പവൻ ഖേരയുടെ വീട്ടിൽ അസം പോലീസ്; നടപടി ഹിമന്തയുടെ ഭാര്യക്ക് 3 പാസ്പോർട്ടുണ്ടെന്ന ആരോപണത്തിന് പിന്നാലെ

ന്യൂഡൽഹി: അസം മുഖ്യമന്ത്രി ഹിമന്ത ബിശ്വ ശർമയുടെ ഭാര്യ നൽകിയ പരാതിയുടെ അടിസ്ഥാനത്തിൽ കോൺഗ്രസ് നേതാവ് പവൻ ഖേരയുടെ ഡൽഹിയിലെ വസതിയിലെത്തി അസം പോലീസ്. To advertise here, ഹിമന്തയുടെ ഭാര്യ റിനികി ഭുയാന് മൂന്ന് പാസ്‌പോർട്ടുണ്ടെന്ന് കഴിഞ്ഞദിവസം വാർത്താസമ്മേളനത്തിൽ ഖേര ആരോപിച്ചിരുന്നു. പിന്നാലെയാണ് അവർ പോലീസിൽ പരാതി നൽകിയതും അസം പോലീസ് പരിശോധനയ്ക്കായി ഖേരയുടെ വീട്ടിലെത്തി പരിശോധന നടത്തിയതും. ഡൽഹി പോലീസും ഇവർക്കൊപ്പമുണ്ടായിരുന്നു. ഇന്ത്യയുടെ കൂടാതെ ഈജിപ്തിന്റെയും യുഎഇയുടെയും പാസ്‌പോർട്ട് റിനികിയ്ക്ക് ഉണ്ടെന്നായിരുന്നു ഖേര പറഞ്ഞത്. വീട്ടിൽ പവൻ ഖേര ഉണ്ടായിരുന്നില്ലെന്നും പരിശോധനയിൽ ചില രേഖകൾ കണ്ടെടുത്തതായും അസം പോലീസ് അറിയിച്ചു. അതേസമയം, ഇന്നലെ പവൻ ഖേര ഗുവാഹത്തിയിൽനിന്ന് ഓടി രക്ഷപ്പെട്ടെന്ന് ഹിമന്ത പറഞ്ഞു. അദ്ദേഹത്തിന്റെ വസതിയിൽ പോലീസ് ചെന്നതായി മാധ്യമങ്ങളിലൂടെ താൻ അറിഞ്ഞുവെന്നും എന്നാൽ അദ്ദേഹം ഹൈദരാബാദിലേക്ക് കടന്നുകളഞ്ഞുവെന്നും ഹിമന്ത കൂട്ടിച്ചേർത്തു. നിയമം അതിന്റെ വഴിക്ക് പോകുമെന്നും അദ്ദേഹം പറഞ്ഞു. Content Highlights: Assam Police conducted a search at Pawan Khera's residence in Delhi., The action follows allegations regarding multiple passports held by the Assam CM's wife., Himanta Biswa Sarma claims Khera fled to Hyderabad to evade authorities., Authorities seized documents during the 2026 investigation. Published: 07 Apr 2026, 02:24 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.