ഫസ്റ്റ് ക്ലാപ്പടിച്ച് നാനി, വമ്പൻ ക്യാൻവാസിൽ വിജയ് ദേവരകൊണ്ട-ശൗര്യുവ് ചിത്രം

മൂവി ഡെസ്ക് Last Updated: 21 Apr 2026, 09:52 pm IST ചിത്രത്തിന്റെ സാങ്കേതിക ടീമിനെ പരിചയപ്പെടുത്തിയ അനൗൺസ്മെന്റ് പോസ്റ്റർ സോഷ്യൽ മീഡിയയിൽ തരംഗമായിരുന്നു. വിജയ് ദേവരകൊണ്ട-ശൗര്യുവ് ചിത്രത്തിന്റെ ലൊക്കേഷൻ ദൃശ്യം, അനൗൺസ്മെന്റ് പോസ്റ്റർ | സ്ക്രീൻ​ഗ്രാബ്, X വി ജയ് ദേവരകൊണ്ടയുടെ കരിയറിലെ ഏറ്റവും ആകാംക്ഷയോടെ കാത്തിരിക്കുന്ന വമ്പൻ ഗ്ലോബൽ പ്രോജക്ട് ചിത്രത്തിന്റെ പൂജ ഹൈദരാബാദിൽ നടന്നു. ഹായ് നാനാ എന്ന ചിത്രത്തിലൂടെ ശ്രദ്ധ നേടിയ സംവിധായകൻ ശൗര്യുവ് ആണ് ചിത്രം സംവിധാനം ചെയ്യുന്നത്. പൂജാ ചടങ്ങിൽ ഫസ്റ്റ് ഷോട്ടിന് നടൻ നാനി ക്ലാപ്പടിച്ചു. വൈറ ബാനറിൽ ഒരുങ്ങുന്ന ഈ ചിത്രം പ്രഖ്യാപന പോസ്റ്റർ പുറത്തിറങ്ങിയതോടെ തന്നെ സോഷ്യൽ മീഡിയയിൽ വലിയ ചർച്ചകൾക്ക് വഴിവച്ചിരുന്നു. To advertise here, ചിത്രത്തിന്റെ സാങ്കേതിക ടീമിനെ പരിചയപ്പെടുത്തിയ അനൗൺസ്മെന്റ് പോസ്റ്റർ സോഷ്യൽ മീഡിയയിൽ തരംഗമായിരുന്നു. ഹോളിവുഡ് പ്രോജക്ടുകളായ “ഹൗസ് ഓഫ് ദ ഡ്രാഗൺ”, “ഫോൾഔട്ട്” എന്നിവയിൽ പ്രവർത്തിച്ച അലേഹാൻഡ്രോ മാർട്ടിനെസ് ആണ് ഛായാഗ്രഹണം. “ഗോഡ്സ് ഓഫ് ഈജിപ്റ്റ്”, “ബാറ്റ്മാൻ ഫോറെവർ”, “സ്നോപ്പിയേഴ്സർ” എന്നീ ചിത്രങ്ങളിൽ പ്രവർത്തിച്ച എറിക് ഡർസ്റ്റ് വിഎഫ്എക്സ് സൂപ്പർവൈസറായി എത്തുന്നു. “അനിമൽ”, “ഓം ശാന്തി ഓം” തുടങ്ങിയ ചിത്രങ്ങളിൽ പ്രവർത്തിച്ച സുരേഷ് സെൽവരാജൻ പ്രൊഡക്ഷൻ ഡിസൈനറാണ്. സംഗീതം ഒരുക്കുന്നത് മലയാളി കൂടിയായ ഹിഷാം അബ്ദുൽ വഹാബ് ആണ്. കൂടാതെ കോസ്റ്റ്യൂം ഡിസൈനറായി സച്ചിൻ ലോവലെക്കർ, എഡിറ്ററായി പ്രവീൺ ആന്റണി എന്നിവരും ടീമിന്റെ ഭാഗമാണ്. പുരാണ പശ്ചാത്തലത്തിൽ ഒരു പുതിയ ലോകം സൃഷ്ടിക്കുന്ന തരത്തിൽ ഒരുങ്ങുന്ന ഈ ചിത്രം, ദൃശ്യവിസ്മയങ്ങളും അന്താരാഷ്ട്ര നിലവാരത്തിലുള്ള ടെക്നിക്കൽ മികവും ചേർന്ന് പ്രേക്ഷകർക്ക് വ്യത്യസ്തമായ സിനിമാനുഭവം നൽകുമെന്നാണ് പ്രതീക്ഷ. “വാരണാസി”, “രാക്ക” പോലുള്ള സിനിമകൾ ഇന്ത്യൻ സിനിമയെ ഗ്ലോബൽ തലത്തിൽ എത്തിക്കാൻ ശ്രമിച്ചതുപോലെ, വിജയ് ദേവരകൊണ്ട – ശൗര്യുവ് കൂട്ടുകെട്ടും അതേ ദിശയിൽ വലിയൊരു കാൽവയ്പ്പാണ് നടത്തുന്നത്. കൂടുതൽ വിവരങ്ങൾ വരും ദിവസങ്ങളിൽ പുറത്തുവരാനിരിക്കെ, സിനിമാ പ്രേമികൾ ഇതിനകം തന്നെ വലിയ പ്രതീക്ഷയോടെയാണ് ഈ പ്രോജക്ടിനെ കാത്തിരിക്കുന്നത്. പിആർഓ : പ്രതീഷ് ശേഖർ. Content Highlights: Actor Vijay Deverakonda has officially launched his ambitious global project directed by Shouryuv, featuring a stellar technical team including Hollywood cinematographers and VFX supervisors, with music by Hisham Abdul Wahab. Published: 21 Apr 2026, 09:51 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.