അബുദാബി : അരങ്ങും അണിയറയും തീർത്തുകൊണ്ട് കേരള സോഷ്യൽ സെന്റർ (കെഎസ്സി) നേതൃത്വം നൽകുന്ന 14 -ാമത് ഭരത് മുരളി നാടകോത്സവത്തിന് അബുദാബിയിൽ തുടക്കമായി. To advertise here, നാടകോത്സവത്തിന്റെ ഉദ്ഘാടനം വെള്ളിയാഴ്ച സജിതമഠത്തിൽ, രമേഷ് വർമ എന്നിവർ നിർവഹിച്ചു. ടി.കെ. മനോജ് അധ്യക്ഷനായി. കെഎസ്സി ഖജാൻജി അനീഷ് ശ്രീദേവി ഭരത് മുരളി അനുസ്മരണം നടത്തി. കലാവിഭാഗം അസിസ്റ്റന്റ് സെക്രട്ടറി സ്മിതാ ധനേഷ് വിധികർത്താക്കളെ പരിചയപ്പെടുത്തി. ലോക കേരളസഭാംഗങ്ങളായ എ.കെ. ബീരാൻകുട്ടി, അഡ്വ.അൻസാരി സൈനുദ്ദീൻ, സംരംഭകൻ രാജൻ എന്നിവർ ആശംസിച്ചു. കെഎസ്സി മാനേജിങ് കമ്മിറ്റി അംഗങ്ങൾ ചടങ്ങിൽ പങ്കെടുത്തു. സജീഷ് നായർ സ്വാഗതവും ഹാരിസ് ഹുസൈൻ നന്ദിയും പറഞ്ഞു. തുടർന്ന് മാസ്റ്റർ മീഡിയ ദുബായ് ഷൈജു അന്തിക്കാടിന്റെ സംവിധാനത്തിൽ ആട്ടം എന്ന നാടകം അവതരിപ്പിച്ചു. ഈ മാസം 24 വരെ നീണ്ടുനിൽക്കുന്ന നാടകോത്സവത്തിൽ മൊത്തം 11 നാടകങ്ങളാണ് അവതരിപ്പിക്കുക. 25 -ന് പുരസ്കാര ജേതാക്കളെ പ്രഖ്യാപിക്കും. Published: 04 Jan 2026, 01:22 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.