മക്കയിൽ വിമാനത്താവളത്തിന്റെയും മെട്രോയുടെയും പദ്ധതികളുമായി അധികൃതർ

മക്ക: നഗരത്തിന്റെ പ്രധാന ഗതാഗത, അടിസ്ഥാന സൗകര്യ നവീകരണങ്ങളുമായി മുന്നോട്ട് പോകുന്നതിന്റെ ഭാഗമായി മക്കയിൽ വിമാനത്താവളവും മെട്രോ സംവിധാനവും നിർമ്മിക്കാനുള്ള പദ്ധതികളെക്കുറിച്ചുള്ള തയ്യാറെടുപ്പുമായി സൗദി അധികൃതർ. To advertise here, വിശുദ്ധ നാഗരിയിലെത്തുന്ന ദശലക്ഷക്കണക്കിന് സന്ദർശകരെ സേവിക്കുകയെന്ന ലക്ഷ്യത്തോടെ നിർദിഷ്ട മക്ക വിമാനത്താവളത്തെ ആഗോള നിലവാരത്തിലേക്ക് വികസിപ്പിക്കുന്നതിനുള്ള തന്ത്രപരവും സാമ്പത്തികവുമായ നിക്ഷേപ നിർദ്ദേശങ്ങൾക്ക് അംഗീകാരം ലഭിച്ചിട്ടുണ്ടെന്ന് മക്ക നഗരത്തിന്റെയും വിശുദ്ധ സൈറ്റുകളുടെയും റോയൽ കമ്മീഷന്റെ സിഇഒ സാലിഹ് അൽ-റഷീദ് 'ഹാർവാർഡ് ബിസിനസ് റിവ്യൂവിന്' നൽകിയ അഭിമുഖത്തിൽ പറഞ്ഞു. മക്കയുടെ അയൽ നഗരങ്ങളിലെ വിമാനത്താവളങ്ങളുടെ പ്രവർത്തനത്തെ ബാധിക്കാതെ അനുയോജ്യമായ നിക്ഷേപ മാതൃകകൾ വികസിപ്പിക്കുന്നതിന് കമ്മീഷൻ സ്വകാര്യ മേഖലയുമായി പ്രവർത്തിക്കുമെന്നും സാലിഹ് അൽ-റഷീദ് കൂട്ടിച്ചേർത്തു. മക്ക മെട്രോയ്ക്കുള്ള സാധ്യതാ പഠനങ്ങളും പ്രാഥമിക രൂപകൽപ്പനകളും പൂർത്തിയായതായും അൽ-റഷീദ് പറഞ്ഞു. ഗതാഗതത്തിനപ്പുറം ഭവന നിർമ്മാണം, അടിസ്ഥാന സൗകര്യങ്ങൾ, പൊതു സേവനങ്ങൾ എന്നിവ ഉൾക്കൊള്ളുന്ന പദ്ധതികളിലൂടെ മക്ക നിവാസികൾക്കും സന്ദർശകർക്കും സേവനങ്ങളും മൊത്തത്തിലുള്ള അനുഭവം മെച്ചപ്പെടുത്തുന്നതിനുള്ള വിശാലമായ ശ്രമങ്ങളെക്കുറിച്ചും അദ്ദേഹം വിശദീകരിച്ചു, അതേസമയം സമൂഹത്തിന്റെ ആവശ്യങ്ങളുമായി പൊരുത്തപ്പെടുന്ന തരത്തിലായിരിക്കും നടപ്പാക്കുക. മക്ക ബസ് നെറ്റ്‌വർക്ക് നിലവിൽ 12 റൂട്ടുകളിലായി 400 ബസുകൾ സർവീസ് നടത്തുന്നു. മിക്ക അയൽപക്ക സ്ഥലങ്ങളിൽ ഉൾക്കൊണ്ടാണ് സേവനം നടത്തുന്നത്. 430 സ്റ്റോപ്പുകലാണ് ബസ് സേവനത്തിലുൾപ്പെടുന്നത്. സെൻട്രൽ ഏരിയയിലെ നാല് പ്രധാന സ്റ്റേഷനുകളും ഉണ്ട്. 2022 ഫെബ്രുവരിയിൽ പ്രവർത്തനം ആരംഭിച്ചതിനുശേഷം 185 ദശലക്ഷം യാത്രക്കാരെ സേവിക്കാനായിട്ടുണ്ട് കവിഞ്ഞു, 3.8 ദശലക്ഷത്തിലധികം യാത്രകൾ പൂർത്തിയായി- അദ്ദേഹം പറഞ്ഞു. Content Highlights: Strategic approval for a new world-class airport in Mecca., Feasibility studies and preliminary designs for the Mecca Metro are complete., Public-private partnership model to drive investment without disrupting neighboring airports., Focus on enhancing the experience for millions of pilgrims and residents., Mecca Bus Network has successfully served over 185 million passengers since 2022. Published: 02 Apr 2026, 01:43 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.