മന്ത്രി ഗണേഷ് കുമാറിന് തിരിച്ചടി; പത്തനാപുരം താലൂക്ക് എൻ.എസ്.എസ്.യൂണിയൻ പിരിച്ചുവിട്ടു

Last Updated: 14 Mar 2026, 04:29 am IST പുനലൂരിലെ യൂണിയന്‍ ആസ്ഥാനത്ത് 'പത്മാ കഫെ' തുടങ്ങുന്നതിലെ സാന്പത്തിക ക്രമക്കേടുകളെപ്പറ്റി ഏറെനാളായി വിവാദം പുകയുകയായിരുന്നു. കെ.ബി. ഗണേഷ് കുമാര്‍ | ഫയല്‍ചിത്രം | ഫോട്ടോ: ജി. ശിവപ്രസാദ്/ മാതൃഭൂമി പുനലൂർ: മന്ത്രി കെ.ബി. ഗണേഷ്‌കുമാർ പ്രസിഡന്റായ പത്തനാപുരം താലൂക്ക് എൻ.എസ്.എസ്. കരയോഗ യൂണിയന്റെ ഭരണസമിതി പിരിച്ചുവിട്ടു. ഭരണസമിതിയിലെ മുതിർന്ന അംഗം കരിക്കത്തിൽ കെ. തങ്കപ്പൻപിള്ള ചെയർമാനായി അഡ്ഹോക് കമ്മിറ്റി ചുമതലയേറ്റെടുത്തു. To advertise here, വെള്ളിയാഴ്ച വൈകീട്ടാണ് കരയോഗം രജിസ്ട്രാർ ശശിധരൻനായർ ഭരണസമിതി പിരിച്ചുവിട്ടത്. യൂണിയൻ പ്രസിഡന്റിന്റേത് ഏകാധിപത്യ പ്രവണതകളാണെന്നു ചൂണ്ടിക്കാട്ടി 11 ഭരണസമിതി അംഗങ്ങൾ കഴിഞ്ഞയാഴ്ച രാജിസമർപ്പിച്ചിരുന്നു. ഭൂരിപക്ഷം നഷ്ടപ്പെട്ട പശ്ചാത്തലത്തിലാണ് സമിതി പിരിച്ചുവിട്ട് താത്കാലിക സമിതിക്ക് ഭരണച്ചുമതല നൽകിയത്. പുനലൂരിലെ യൂണിയൻ ആസ്ഥാനത്ത് 'പത്മാ കഫെ' തുടങ്ങുന്നതിലെ സാന്പത്തിക ക്രമക്കേടുകളെപ്പറ്റി ഏറെനാളായി വിവാദം പുകയുകയായിരുന്നു. ഇതുമായി ബന്ധപ്പെട്ട് രണ്ടാഴ്ചമുൻപ് ചേർന്ന ഭരണസമിതി യോഗത്തിൽ സെക്രട്ടറിയോടും അംഗങ്ങളോടും പ്രസിഡന്റ് രൂക്ഷമായി പെരുമാറിയതായും പരാതിയുയർന്നിരുന്നു. ഇതേത്തുടർന്ന് പത്തരവർഷം യൂണിയൻ സെക്രട്ടറിയായിരുന്ന ജി. അനിൽകുമാർ നിർബന്ധിത സ്ഥലംമാറ്റം വാങ്ങി കൊല്ലം യൂണിയനിലേക്ക് പോയി. ഈ പശ്ചാത്തലത്തിലാണ് വൈസ് പ്രസിഡന്റ് ജെ. രാധാകൃഷ്ണപിള്ളയടക്കം 11 ഭരണസമിതി അംഗങ്ങൾ ചങ്ങനാശ്ശേരിയിലെത്തി രാജിക്കത്ത് നൽകിയത്. ഇതേസമയം യൂണിയനുമായി ബന്ധപ്പെട്ടുയർന്ന ആരോപണങ്ങൾ നിഷേധിച്ച് പ്രസിഡന്റ് കെ.ബി. ഗണേഷ്‌കുമാർ രംഗത്തെത്തിയിരുന്നു. തന്നെയും യൂണിയനെയും തകർക്കാൻ രാഷ്ട്രീയമായി ലക്ഷ്യമിട്ടിട്ടുള്ളതാണ് ആരോപണങ്ങളെന്നായിരുന്നു അദ്ദേഹം വിശദീകരിച്ചിരുന്നത്. Content Highlights: Dissolution of the NSS Pathanapuram Union committee led by Minister K.B. Ganesh Kumar., Appointment of an ad-hoc committee under Karikkathu K. Thankappan Pillai., Mass resignation of 11 members citing autocratic behavior and financial irregularities., Controversy surrounding the 'Padma Cafe' project at the union headquarters., Minister Ganesh Kumar denies allegations, terming them politically motivated. Published: 14 Mar 2026, 04:28 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.