മലേഷ്യയിലെ വാട്ടർ വില്ലേജിൽ വൻതീപ്പിടിത്തം, വെള്ളത്തിന് മുകളിലെ 1000 തൂൺവീടുകൾ കത്തിനശിച്ചു | VIDEO

ക്വലാലംപൂർ: മലേഷ്യയിലെ സബായിൽ ഞായറാഴ്ചയുണ്ടായ തീപ്പിടിത്തത്തിൽ ആയിരക്കണക്കിന് വീടുകൾ കത്തിനശിച്ചു. ഒരു തീരദേശ ഗ്രാമത്തിലെ താത്ക്കാലിക വീടുകൾക്കാണ് നാശം സംഭവിച്ചത്. ഇവയിൽ പലതും വെള്ളത്തിന് മുകളിൽ തൂണുകളിലാണ് നിർമ്മിച്ചിരുന്നത്. ആയിരക്കണക്കിന് ആളുകൾക്ക് വീടുകൾ നഷ്ടപ്പെട്ടുവെന്ന് അധികൃതർ അറിയിച്ചു. To advertise here, സബായിലെ വടക്കുകിഴക്കൻ ഭാഗത്തുള്ള സന്ദക്കാൻ ജില്ലയിലെ "വാട്ടർ വില്ലേജിൽ" ഞായറാഴ്ച പുലർച്ചെയാണ് തീപ്പിടിത്തമുണ്ടായത്. മലേഷ്യയിലെ ഏറ്റവും ദരിദ്രവിഭാഗത്തിൽ ഉൾപ്പെടുന്നതും പൗരത്വം ഇല്ലാത്തവരുമായ ആളുകളാണ് മരം കൊണ്ടു നിർമ്മിച്ച വീടുകളിൽ താമസിക്കുന്നത്. 9,007 താമസക്കാരെ തീപ്പിടിത്തം ബാധിച്ചതായി സന്ദക്കാൻ പോലീസ് മേധാവി ജോർജ് അബ്ദുൾ റഹ്മാൻ അറിയിച്ചു. സബാ ഫയർ ആൻഡ് റെസ്ക്യൂ ഡിപ്പാർട്ട്‌മെന്റ് പറയുന്നതനുസരിച്ച് പുലർച്ചെ 1:32 (ശനിയാഴ്ച 17:32 GMT) ന് സംഭവം സംബന്ധിച്ച് അറിയിപ്പ് ലഭിക്കുകയും രണ്ട് സ്റ്റേഷനുകളിൽ നിന്നുള്ള 37 ഉദ്യോഗസ്ഥരെ തീ അണയ്ക്കാൻ അയയ്ക്കുകയും ചെയ്തു. 10 ഏക്കർ വിസ്തൃതിയിൽ സ്ഥിതി ചെയ്യുന്ന ഏകദേശം 1,000 താത്ക്കാലിക ഫ്ലോട്ടിങ് ഹോമുകൾ 100 ശതമാനം കത്തിനശിച്ചതായി അധികൃതർ പറഞ്ഞു. ഇടുങ്ങിയ പ്രവേശന പാതകൾ കാരണം അഗ്നിശമനസേനാ വാഹനങ്ങൾക്ക് സ്ഥലത്ത് എത്താൻ കഴിഞ്ഞില്ലെന്നും അധികൃതർ കൂട്ടിച്ചേർത്തു. ആർക്കും പരിക്കേൽക്കുകയോ മരിക്കുകയോ ചെയ്തിട്ടില്ലെന്നും തീ നിയന്ത്രണവിധേയമാണെന്നുമാണ് വിവരം. സബാ അധികൃതരുമായി ചേർന്ന് ബാധിക്കപ്പെട്ടവർക്ക് എത്രയും പെട്ടെന്ന് സഹായവും താത്ക്കാലിക താമസസൗകര്യവും നൽകുന്നതിനായി നടപടികൾ ഏകോപിപ്പിക്കുകയാണെന്ന് മലേഷ്യൻ പ്രധാനമന്ത്രി അൻവർ ഇബ്രാഹിം ഫെഡറൽ സർക്കാർ പറഞ്ഞു. "ഇപ്പോൾ മുൻഗണന ഇരകളുടെ സുരക്ഷയ്ക്കും അടിയന്തര സഹായത്തിനുമാണ്," അൻവർ ഫേസ്ബുക്ക് പോസ്റ്റിൽ പറഞ്ഞു. Content Highlights: A massive fire destroyed approximately 1,000 floating homes in Sandakan, Sabah in 2026., Over 9,000 residents are affected, with no reported fatalities or injuries., Narrow access routes hampered initial firefighting efforts by the local rescue department., Prime Minister Anwar Ibrahim has mobilized federal support for emergency relief and temporary housing. Published: 19 Apr 2026, 05:52 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.