മുൻ കാമുകിയുടെ നായയെ വാങ്ങി വീട്ടിൽ വളർത്തിയാൽ...; 'സിങ്ക' ടീസർ പുറത്ത്

മൂവി ഡെസ്ക് Last Updated: 18 April 2026, 05:01 PM IST പ്രണയത്തിന്റെയും സൗഹൃദത്തിന്റെയും ഹൃദയസ്പർശിയായ മുഹൂർത്തങ്ങളാണ് ടീസർ നൽകുന്നത്.  സിങ്ക എന്ന ചിത്രത്തിന്റെ പോസ്റ്റർ | ഫോട്ടോ: അറേഞ്ച്ഡ് കയൽ ചന്ദ്രനെ നായകനാക്കി രാജ ദുരൈ സിങ്കം സംവിധാനം ചെയ്യുന്ന സിങ്ക എന്ന തമിഴ് ചിത്രത്തിന്റെ ടീസർ പുറത്തിറങ്ങി. മലയാളത്തിലെ പ്രിയ താരങ്ങളായ സിജാ റോസ്, മീനാക്ഷി രവീന്ദ്രൻ എന്നിവരാണ് നായികമാരായി പ്രത്യക്ഷപ്പെടുന്നത്. ഒപ്പം ഒരു നായ്ക്കുട്ടിയും ഈ ചിത്രത്തിന്റെ ടൈറ്റിൽ കഥാപാത്രമായി എത്തുന്നു. ആദിത്യ കതിർ, പ്രശസ്ത മലയാള നടൻ അരിസ്റ്റോ സുരേഷ് എന്നിവർക്കൊപ്പം ഒരു കൂട്ടം പുതുമുഖങ്ങളും ഈ ചിത്രത്തിൽ പ്രധാന വേഷങ്ങളിൽ അഭിനയിക്കുന്നു. പ്രണയത്തിന്റെയും സൗഹൃദത്തിന്റെയും ഹൃദയസ്പർശിയായ മുഹൂർത്തങ്ങളാണ് ടീസർ നൽകുന്നത്.  To advertise here, രുദ്രം സിനിമാസ്, എസ്.ആർ ഫിലിംസ് എന്നീ ബാനറിൽ വേലായുധം രാജേന്ദ്രൻ നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം അശോക് കുമാർ രാജ് നിർവ്വഹിച്ചിരിക്കുന്നു. പ്രശസ്ത ചലച്ചിത്ര സംവിധായകരായ വസന്ത്, സർക്കുണം എന്നിവരുടെ കീഴിൽ തന്റെ കരിയർ തുടങ്ങിയ രാജദുരൈ സിൻഗം ഒരുക്കിയ ഈ ചിത്രം തികച്ചും മനോഹരമായ ഒരു കുടുംബചിത്രമാണ്. ചിത്രത്തിലേതായി അടുത്തിടെ പുറത്തിറങ്ങിയ "കാതുകുള്ളക്കുരുവി" എന്ന പാട്ട് ഇതിനോടകം തന്നെ സിനിമ ആസ്വാദകരുടെ മനസ്സിൽ ഇടംപിടിച്ചു കഴിഞ്ഞു. കഥയ്ക്കൊപ്പം തന്നെ സംഗീതത്തിനും പ്രാധാന്യമുള്ള ഈ ചിത്രത്തിന്റെ ഗാനങ്ങൾ മനോജ് ചിന്നസ്വാമിയാണ് രചിച്ചിട്ടുള്ളത്. എക്സിക്യൂട്ടീവ് പ്രൊഡ്യൂസർ -രാജ്കുമാർ, ക്രിയേറ്റീവ് പ്രൊഡ്യൂസർ -ആർ.ശരവണൻ, എഡിറ്റർ -എ.ആർ. ശിവരാജ് രാജാമണി, കോസ്റ്റ്യൂം ഡിസൈനർ -നടരാജ്. കെ, ലിറിക്സ് -മണി അമുതവൻ, ആർട്ട് -കാലൈ മുത്തമിഴൻ, കൊറിയോഗ്രാഫി -ബോബി ആന്റണി, ഓഡിയോഗ്രാഫി -ആനന്ദ് രാമചന്ദ്രൻ, സൗണ്ട് ഡിസൈൻ -രഞ്ജിത്ത് കെന്നഡി, ഡിഐ -വർണ്ണ ഡിജിറ്റൽ സ്റ്റുഡിയോ, കളറിസ്റ്റ് -ആർ.നന്ദകുമാർ, സ്റ്റിൽസ് -ചന്ദ്രു, മേക്കപ്പ് -ഭൂബാലൻ, പ്രൊഡക്ഷൻ കൺട്രോളർ -രാമചന്ദ്രമൂർത്തി, പ്രൊഡക്ഷൻ എക്സിക്യൂട്ടീവ് -ദുരൈ അഭിമന്യു, വിഎഫ്എക്സ് -എംകെവി മീഡിയ, പബ്ലിസിറ്റി ഡിസൈൻ കുമാരൻ കെ, പിആർഒ-എ എസ് ദിനേശ്, മനു ശിവൻ. Content Highlights: Singha Features a unique bond between humans and a canine lead character., Directed by Raja Durai Singam, a protégé of Vasanth and Sarkunam., Includes popular Malayalam stars Sija Rose and Meenakshi Raveendran., Features the hit track Kathukullakkuruvi composed by Manoj Chinnaswamy., A 2026 family entertainer highlighting themes of love and friendship. Published: 18 Apr 2026, 05:01 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.