മോഷ്ടിച്ച സ്‌കൂട്ടറുമായി പ്രതി അറസ്റ്റിൽ

കണ്ണൂർ : മോഷണം നടത്തിയ സ്‌കൂട്ടറുമായി നഗരത്തിൽ കറങ്ങിനടന്ന പ്രതിയെ കണ്ണൂർ ടൗൺ പോലീസ് അറസ്റ്റ് ചെയ്തത്. കോട്ടയം സ്വദേശിയും കാസർകോട് വിദ്യാനഗറിൽ താമസക്കാരനുമായ ഇൻസമാം ഉൾ ഹഖിനെ (29) ആണ് ടൗൺ പോലീസിന്റെ വാഹന പരിശോധനയ്ക്കിടെ പിടികൂടിയത്. To advertise here, കണ്ണൂർ പാറക്കണ്ടിയിലായിരുന്നു സംഭവം. പരിശോധനയ്ക്കിടെ വാഹനത്തിന്റെ രേഖകൾ ഹാജരാക്കാൻ ആവശ്യപ്പെട്ടപ്പോൾ പ്രതി പരിഭ്രമിക്കുകയും പരസ്പരവിരുദ്ധമായ മറുപടികൾ നൽകുകയും ചെയ്തു. ഇതേത്തുടർന്ന് സംശയം തോന്നിയ പോലീസ് ഇയാളെ വിശദമായി ചോദ്യം ചെയ്തപ്പോഴാണ് കൈവശമുള്ള സ്‌കൂട്ടർ മോഷ്ടിച്ചതാണെന്ന വിവരം പുറത്തുവന്നത്. കണ്ണൂർ എടക്കാട് സ്വദേശിനിയുടെ വാഹനം വെള്ളിയാഴ്ച കണ്ണൂർ താവക്കര പുതിയ ബസ് സ്റ്റാൻഡിന് സമീപം പാർക്ക് ചെയ്തിരുന്നിടത്തുനിന്ന്‌ മോഷ്ടിച്ച് കടന്നുകളയുകയായിരുന്നു. സ്‌കൂട്ടർ കാണാതായതുമായി ബന്ധപ്പെട്ട് ഉടമ പരാതി നൽകാൻ തയ്യാറെടുക്കുന്നതിനിടെയാണ് പ്രതി പിടിയിലാകുന്നത്. കോട്ടയം, കോഴിക്കോട് ജില്ലകളിലായി നിലവിൽ നാലോളം കേസുകളും പ്രതിക്കുണ്ട്. കണ്ണൂർ ടൗൺ പോലീസ് സ്റ്റേഷൻ എസ്.ഐ. ബി. ജിഷ്ണുവിന്റെ നേതൃത്വത്തിൽ എ.എസ്.ഐ. പ്രമോദ്, എസ്.സി.പി.ഒ.മാരായ വിനിൽ മോൻ, സമീർ എന്നിവരാണ് പ്രതിയെ പിടികൂടിയത്. Published: 31 Mar 2026, 03:50 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.