വെല്ലൂർ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ ബി.ടെക്: അപേക്ഷാതീയതി ഏപ്രിൽ 12 വരെ നീട്ടി

വെ ല്ലൂർ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ VITEEE 2026 ആപ്ലിക്കേഷൻ ഫോം സമർപ്പിക്കാനുള്ള അവസാന തീയതി നീട്ടി. 2026 ബാച്ചിലെ ബി.ടെക് പ്രോഗ്രാമുകൾക്കുള്ള രജിസ്‌ട്രേഷൻ സമർപ്പിക്കേക്കേണ്ട അവസാന തീയതി ഇപ്പോൾ 2026 ഏപ്രിൽ 12 ആണ്. വിദ്യാർഥികൾക്ക് VITEEE 2026 പരീക്ഷയെക്കുറിച്ചുള്ള പൂർണമായ വിവരങ്ങൾ ഔദ്യോഗിക വെബ്‌സൈറ്റ് നോക്കി മനസിലാക്കാവുന്നതാണ്. രജിസ്റ്റർ ചെയ്ത വിദ്യാർഥികൾക്ക് മാത്രമേ പരീക്ഷ എഴുതാൻ സാധിക്കുകയുള്ളു. 2026 ഏപ്രിൽ 28 മുതൽ മെയ് 3 വരെ, ദിവസേന രണ്ട് ഷിഫ്റ്റുകളിലായി പരീക്ഷ നടക്കും. VITEEE 2026 ആപ്ലിക്കേഷൻ ഫോം എങ്ങനെ പൂരിപ്പിക്കാം? വിഐടി എക്‌സാം 2026-ന് എങ്ങനെ അപേക്ഷിക്കണം എന്നറിയാനായി വിദ്യാർഥികൾ താഴെപ്പറയുന്ന കാര്യങ്ങൾ ചെയ്യുക- · ഔദ്യോഗിക വെബ്‌സൈറ്റ് സന്ദർശിച്ച് പേര് രജിസ്റ്റർ ചെയ്യുക. · ആപ്ലിക്കേഷൻ നമ്പർ ലഭിച്ചു കഴിഞ്ഞാൽ, നിങ്ങളുടെ വിവരങ്ങൾ (Credentials) ഉപയോഗിച്ച് ലോഗിൻ ചെയ്യുക. · വ്യക്തിഗത വിവരങ്ങളും വിദ്യാഭ്യാസ യോഗ്യതകളും പൂരിപ്പിക്കുക, പരീക്ഷാകേന്ദ്രം തിരഞ്ഞെടുക്കുക, ആവശ്യമായ രേഖകൾ അപ്‌ലോഡ് ചെയ്യുക. · ഫീസ് അടച്ച ശേഷം ഫോം സമർപ്പിക്കുക. · കൃത്യമായി പൂരിപ്പിച്ച ആപ്ലിക്കേഷൻ ഫോം ഡൗൺലോഡ് ചെയ്ത് പ്രിന്റൗട്ട് എടുത്ത് സൂക്ഷിക്കുക. VITEEE 2026 രജിസ്‌ട്രേഷൻ ഫീസ് എല്ലാ വിഭാഗക്കാർക്കും 1350 രൂപയാണ്. ഇത് തിരികെ ലഭിക്കുകയില്ല. VITEEE 2026 രജിസ്‌ട്രേഷന് ശേഷം എന്ത് ചെയ്യണം? രജിസ്‌ട്രേഷൻ പൂർത്തിയായാൽ, വിഐടി അവരുടെ ഔദ്യോഗിക വെബ്‌സൈറ്റിൽ മോക്ക് ടെസ്റ്റിനുള്ള അവസരം ഒരുക്കും. VITEEE 2026 മോക്ക് ടെസ്റ്റ് ഏപ്രിൽ ആദ്യവാരം നടക്കുമെന്നാണ് പ്രതീക്ഷിക്കുന്നത്. മോക്ക് ടെസ്റ്റിൽ പങ്കെടുക്കുന്നതിലൂടെ ചോദ്യപേപ്പറിന്റെ പാറ്റേൺ, കാഠിന്യം, പുതിയ മാർക്കിങ് സ്‌കീം എന്നിവയെക്കുറിച്ച് വിദ്യാർഥികൾക്ക് കൂടുതൽ ധാരണ ലഭിക്കും. അതോടൊപ്പം, അഡ്മിറ്റ് കാർഡിനുള്ള സ്ലോട്ട് ബുക്കിങ്ങും ആരംഭിക്കും. വിദ്യാർഥികൾ ഒരു അക്കൗണ്ട് ഉണ്ടാക്കി തങ്ങളുടെ പരീക്ഷാ തീയതിയും സ്ലോട്ടും ബുക്ക് ചെയ്യേണ്ടതാണ്. To advertise here, Content Highlights: VITEEE 2026, B.Tech Admission, Entrance Exam, Vellore Institute of Technology Published: 06 Apr 2026, 11:48 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.