വേനൽക്കാലത്ത് തൈര് പെട്ടെന്ന് പുളിച്ചു പോകുന്നുണ്ടോ, എങ്ങനെ പരിഹരിക്കാം?

ശ രീരത്തിന് തണുപ്പ് നൽകുകയും ഭക്ഷണം എളുപ്പത്തിൽ ദഹിക്കാൻ സഹായിക്കുന്നതുമായ ഭക്ഷണപദാർഥമാണ് തൈര്. എന്നാൽ വേനൽച്ചൂടിൽ തൈര് പെട്ടെന്ന് പുളിച്ചു പോയേക്കാം. രാത്രിയിൽ തയ്യാറാക്കിയ തൈര് രാവിലെ പുളിച്ചതും കടുത്ത രുചിയുമുള്ളതായി കാണാം. ചൂട്, പുളിപ്പിക്കൽ പ്രക്രിയയെ ത്വരിതപ്പെടുത്തുകയും നാം ഇഷ്ടപ്പെടുന്ന മൃദുലവും ക്രീമിയുമുള്ള രുചി നിലനിർത്തുന്നത് തടസപ്പെടുത്തുകയും ചെയ്യുന്നു. To advertise here, ഏതാനും ലളിതമായ ചില മാറ്റങ്ങളിലൂടെ, ഈ പ്രക്രിയയുടെ വേഗത കുറയ്ക്കാനും തൈരിന്റെ ഗുണനിലവാരത്തിലും രുചിയിലും മാറ്റം വരുത്താതെ കൂടുതൽ കാലം കേടുകൂടാതെ സൂക്ഷിക്കാനും കഴിയും. എന്തുകൊണ്ടാണ് വേനൽക്കാലത്ത് തൈര് പെട്ടെന്ന് പുളിച്ചു പോകുന്നതെന്ന് പരിശോധിക്കാം. വേനൽക്കാലത്ത് ഉയർന്ന താപനില കാരണം തൈര് വേഗത്തിൽ പുളിച്ചു പോകുന്നു. താപനില കാരണം ഫെർമന്റേഷൻ പ്രക്രിയയിൽ ബാക്ടീരിയകളുടെ പ്രവർത്തനം കൂടുന്നതിനാലാണിത്. ചൂട് നല്ല ബാക്ടീരിയകളെ അതിവേഗം പെരുകാൻ സഹായിക്കുകയും പാലിലെ മധുരത്തെ ലാക്റ്റിക് ആസിഡാക്കി മാറ്റുകയും ചെയ്യുന്നു. അസിഡിറ്റി വേഗത്തിൽ വർധിക്കുന്നതിനാൽ, തൈര് വേഗത്തിൽ കടുപ്പമുള്ളതും പുളിച്ചതുമായ രുചി നേടുന്നു. കൃത്യസമയത്തു തന്നെ തണുപ്പിക്കാൻ കഴിഞ്ഞില്ലെങ്കിൽ ഈ സ്വാഭാവിക പ്രക്രിയ തുടരുകയും തൈര് അമിതമായി പുളിക്കുകയും ചെയ്യും. തൈര് അമിതമായി   പുളിച്ചു പോകാതിരിക്കാനുള്ള വഴികൾ ഫെർമന്റേഷൻ സമയം നിയന്ത്രിക്കുക  വേനൽക്കാലത്തെ ചൂട് പുളിപ്പിക്കൽ പ്രക്രിയയെ ത്വരിതപ്പെടുത്തുന്നു. ശൈത്യകാലത്ത് 8-10 മണിക്കൂറുകൊണ്ടാണ് പാൽ പുളിക്കുന്നത്. എന്നാൽ വേനലിൽ മണിക്കൂറുകൾക്കുള്ളിൽ പുളിച്ച തൈരായി മാറും. കൃത്യസമയത്ത് ഈ പ്രക്രിയ നിർത്തുക എന്നതാണ് ചെയ്യാവുന്ന ഒരു കാര്യം. ഇതിനായി ചെയ്യേണ്ടത് തൈര് നേരത്തെ പരിശോധിക്കുക തൈര് സെറ്റായ ഉടൻ പുളിപ്പിക്കൽ നിർത്തുക രാത്രി മുഴുവൻ അനാവശ്യമായി പുറത്ത് വെക്കാതിരിക്കുക തൈര് ഉടൻ ഫ്രിഡ്ജിലേക്ക് മാറ്റുക. ഉറയൊഴിക്കുന്ന തൈരിൻെറ അളവ് കുറയ്ക്കുക   നിങ്ങൾ ഉപയോഗിക്കുന്ന സ്റ്റാർട്ടർ തൈരിന്റെ അളവ് തൈര് എത്ര വേഗത്തിൽ പുളിക്കുന്നു എന്നതിനെ ബാധിക്കുന്നതിനാൽ അതിന്റെ അളവ് കുറയ്ക്കുക. വേനൽക്കാലത്ത് കുറഞ്ഞ അളവിലാണ് സ്റ്റാർട്ടർ ഉപയോഗിക്കേണ്ടത്. 500 മില്ലി പാലിന് അര ടീസ്പൂൺ പോലും മതിയാകും കൂടുതൽ സ്റ്റാർട്ടർ വേഗത്തിൽ പുളിക്കാൻ ഇടയാക്കും കുറഞ്ഞ തോതിൽ ഉപയോഗിക്കുന്നത് പുളിപ്പിക്കൽ കുറയ്ക്കുകയും മൃദുവായതും ക്രീമിയുമായ രുചി നൽകും. തൈര് സൂക്ഷിക്കുന്ന സ്ഥലം തൈര് നിറച്ച പാത്രം എവിടെ വെക്കുന്നു എന്നത് അതിന്റെ രുചിയെ വരെ സ്വാധീനിക്കുന്നു. വേനൽക്കാലത്ത്, അടുക്കളയിലെ ചെറിയ ചൂട് പോലും പുളിപ്പിക്കൽ പ്രക്രിയയെ ത്വരിതപ്പെടുത്തിയേക്കാം. അടുക്കളയിലെ താരതമ്യേന തണുത്ത ഭാഗത്ത് തൈര് സൂക്ഷിക്കുക. സൂര്യപ്രകാശം നേരിട്ടേൽക്കുന്ന സ്ഥലത്തോ ഗ്യാസ് സ്റ്റൗവിനടുത്തോ തൈര് വെക്കുന്നത് ഒഴിവാക്കുക. ആവശ്യമെങ്കിൽ ഇൻസുലേറ്റഡ് ബോക്‌സോ കാസറോളോ ഉപയോഗിക്കാം. ശരിയായ സമയത്ത് ഫ്രിഡ്ജിൽ വെക്കുക  പലരും തൈര് വളരെ ഉറച്ചതിന് ശേഷം ഫ്രിഡ്ജിൽ വെക്കാറുണ്ട്, എന്നാൽ വേനൽക്കാലത്ത് ഈ കാലതാമസം നഷ്ടം വരുത്തും. തൈര് സെറ്റ് ആയതിനു ശേഷവും പുളിപ്പിക്കുന്നത് നിൽക്കില്ല. തണുപ്പിക്കുമ്പോൾ മാത്രമേ അത് കുറയുകയുള്ളു. മൺപാത്രങ്ങളോ ഇൻസുലേറ്റഡ് പാത്രങ്ങളോ ഉപയോഗിക്കാം മൺപാത്രങ്ങൾ അധിക ഈർപ്പം ആഗിരണം ചെയ്യുന്നു അവ തൈര് സ്വാഭാവികമായി തണുപ്പിക്കുന്നു രുചി കൂടുതൽ നേരം നിലനിർത്താനും സഹായിക്കുന്നു തൈര് എങ്ങനെ ശരിയായി സൂക്ഷിക്കാം   ശരിയായി തയ്യാറാക്കിയതാണെങ്കിലും തൈര് ശ്രദ്ധയില്ലാതെ കൈകാര്യം ചെയ്താൽ വേഗത്തിൽ പുളിച്ചുപോകും. ശുചിയായി, നന്നായി സംഭരിച്ചുവെച്ചാൽ അതേറെക്കാലം ഉപയോഗിക്കാം. തൈര് എടുക്കുമ്പോൾ എപ്പോഴും വൃത്തിയുള്ള, ഉണങ്ങിയ സ്പൂൺ ഉപയോഗിക്കാനും ശ്രദ്ധിക്കണം. പാത്രം ശരിയായി മൂടി വെക്കുക, ഉപയോഗ ശേഷം തൈര് അമിതമായി റൂം ടെമ്പറേച്ചറിൽ വെക്കാതിരിക്കുക.  Content Highlights: Control fermentation time by checking curd consistency early., Reduce the amount of starter culture used during hot weather., Avoid placing curd containers near heat sources or direct sunlight., Utilize clay pots for natural cooling and moisture absorption., Refrigerate immediately after the curd sets to stop over-fermentation. Published: 19 Mar 2026, 04:00 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.