വേനൽക്കാലത്ത് ഷമാം വാങ്ങി ഫ്രിഡ്ജിൽ വെക്കാറുണ്ടോ? ശ്രദ്ധിക്കേണ്ട കാര്യങ്ങൾ

വേനൽക്കാലത്ത് ശരീരത്തിന് കുളിർമയും ആരോഗ്യവും നൽകുന്ന പഴമാണ് തണ്ണിമത്തനെപ്പോലെ തന്നെ ഷമാമും. ഉയർന്ന ജലാംശവും നാരുകളും അടങ്ങിയ പഴം ദഹനത്തിനും ശരീരത്തിലെ ജലാംശം നിലനിർത്താനും സഹായിക്കുന്നു. എന്നാൽ വേനൽക്കാലത്ത് ഷമാം അഥവാ മസ്ക് മെലൺ ശരിയായ രീതിയിൽ സൂക്ഷിച്ചില്ലെങ്കിൽ വേഗത്തിൽ ചീത്തയാകാനും രുചി മാറാനും സാധ്യതയുണ്ട്. To advertise here, ഷമാം കൂടുതൽ കാലം ഫ്രഷ് ആയി നിലനിർത്താൻ ഇക്കാര്യങ്ങൾ ശ്രദ്ധിക്കാം.  പലരും മസ്ക് മെലൺ വാങ്ങിയാലുടൻ ഫ്രിഡ്ജിൽ വെക്കാറുണ്ട്. എന്നാൽ മുറിക്കാത്ത പഴം മുറിയിലെ താപനിലയിൽ സൂക്ഷിക്കുന്നതാണ് ഉചിതം. നേരിട്ട് വെയിൽ ഏൽക്കാത്ത തണുപ്പുള്ള സ്ഥലത്ത് വെക്കുന്നത് പഴം ശരിയായി പഴുക്കാനും അതിന്റെ സ്വാഭാവിക മധുരം നിലനിൽക്കാനും സഹായിക്കും. മുറിച്ച ശേഷം ശ്രദ്ധിക്കേണ്ടവ എയർടൈറ്റ് കണ്ടെയ്നർ: മുറിച്ച കഷ്ണങ്ങൾ വായു കടക്കാത്ത പാത്രത്തിലാക്കി ഫ്രിഡ്ജിൽ സൂക്ഷിക്കുക. ഇത് പഴത്തിന്റെ സ്വാഭാവിക ഗന്ധം നഷ്ടപ്പെടാതിരിക്കാനും ഫ്രിഡ്ജിലെ മറ്റ് ഭക്ഷണങ്ങളുടെ ഗന്ധം പഴത്തിലേക്ക് പടരാതിരിക്കാനും സഹായിക്കും. ക്ലിംഗ് ഫിലിം ഉപയോഗിക്കാം: പഴം പകുതി മുറിച്ച ശേഷം ബാക്കി വരികയാണെങ്കിൽ, മുറിച്ച ഭാഗം ക്ലിംഗ് ഫിലിമോ അലുമിനിയം ഫോയിലോ ഉപയോഗിച്ച് വായു കടക്കാത്ത വിധം പൊതിഞ്ഞു വേണം ഫ്രിഡ്ജിൽ വെക്കാൻ. ഈർപ്പം നിയന്ത്രിക്കാം: പാത്രത്തിനുള്ളിൽ ടിഷ്യൂ പേപ്പർ വിരിച്ച ശേഷം അതിൽ പഴം വെയ്ക്കുന്നത് അധികമുള്ള ഈർപ്പം വലിച്ചെടുക്കാനും കഷ്ണങ്ങൾ ചീത്തയാകാതിരിക്കാനും സഹായിക്കും. പ്രത്യേകം ശ്രദ്ധിക്കാൻ മുറിച്ച പഴം 2-3 ദിവസത്തിനുള്ളിൽ കഴിച്ചു തീർക്കുന്നതാണ് ആരോഗ്യത്തിന് നല്ലത്. മസ്ക് മെലണിന് കഠിനമായ ഗന്ധമുള്ളതിനാൽ ഫ്രിഡ്ജിലെ മറ്റ് പഴങ്ങളിൽ നിന്ന് ഇത് മാറ്റി വെയ്ക്കാൻ ശ്രദ്ധിക്കുക. പഴം മുറിക്കുന്നതിന് മുൻപ് പുറംഭാഗം നന്നായി കഴുകാൻ മറക്കരുത്. ശരിയായ രീതിയിൽ സൂക്ഷിച്ചാൽ ഈ വേനൽക്കാലം മുഴുവൻ മസ്ക് മെലണിന്റെ ഗുണവും രുചിയും പൂർണ്ണമായി ആസ്വദിക്കാം. Content Highlights: Store uncut musk melon at room temperature in a cool, shaded area for optimal ripening., Use airtight containers for cut pieces to prevent odor absorption Published: 21 Apr 2026, 03:01 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.