സൗദിയിലെ പൊതുഗതാഗത മേഖലയിൽ വൻ കുതിപ്പ്; യാത്രക്കാരുടെ എണ്ണത്തിൽ 129 ശതമാനം വർധനവ്

റിയാദ്: സൗദി അറേബ്യയുടെ പൊതുഗതാഗത മേഖലയിൽ കഴിഞ്ഞ കുറച്ച് വർഷങ്ങളായി വൻ വികസനവും യാത്രക്കാരുടെ എണ്ണത്തിൽ ഗണ്യമായ വർദ്ധനവും രേഖപ്പെടുത്തുന്നതായി റിപ്പോർട്ട്. 2019-ൽ 1.83 കോടിയായിരുന്ന (18.33 ദശലക്ഷം) യാത്രക്കാരുടെ എണ്ണം ഇപ്പോൾ 42 കോടിയിലേക്ക് ഉയർന്നതായി സൗദി ട്രാൻസ്‌പോർട്ട് ജനറൽ അതോറിറ്റി അറിയിച്ചു. ഏപ്രിൽ 17-ന് ലോക പൊതുഗതാഗത ദിനം ആചരിച്ചതിന്റെ പശ്ചാത്തലത്തിലാണ് ഈ കണക്കുകൾ പുറത്തുവിട്ടത്. To advertise here, ഗതാഗത മേഖലയിൽ കൈവരിച്ച ഈ നേട്ടം ജനങ്ങളുടെ ജീവിത നിലവാരം മെച്ചപ്പെടുത്തുന്നതിനും ഗതാഗതക്കുരുക്ക്, പരിസ്ഥിതി മലിനീകരണം എന്നിവ കുറയ്ക്കുന്നതിനും വളരെയധികം സഹായിച്ചിട്ടുണ്ട്. നഗര ബസ് സർവീസുകളുടെ വിപുലീകരണം 2024-നും 2025-നും ഇടയിൽ ഗതാഗത മേഖലയിൽ 61 ശതമാനം വളർച്ചയാണ് രേഖപ്പെടുത്തിയത്. 2026-ന്റെ ആദ്യ പാദത്തിൽ മുൻവർഷത്തെ ഇതേ കാലയളവിനേക്കാൾ 20 ശതമാനം വർദ്ധനവ് ഉണ്ടായതായും റിപ്പോർട്ടുകൾ വ്യക്തമാക്കുന്നു. 2019-ൽ വെറും നാല് നഗരങ്ങളിൽ മാത്രം ഒതുങ്ങിയിരുന്ന സിറ്റി ബസ് സർവീസുകൾ ഇപ്പോൾ നൂതന സാങ്കേതിക സൗകര്യങ്ങളോടെ 17 നഗരങ്ങളിലേക്കും ഗവർണറേറ്റുകളിലേക്കും വ്യാപിപ്പിച്ചു. ഇത് ഗതാഗത മേഖലയിലെ കുതിപ്പിന് പ്രധാന കാരണമായി. ടാക്സി, ട്രെയിൻ സേവനങ്ങൾ ടാക്സി സർവീസുകൾ: 2019-നും 2025-നും ഇടയിൽ 37.7 കോടിയിലധികം ടാക്സി യാത്രകൾ നടന്നു. ഇത് 15 ശതമാനം വർദ്ധനവാണ് കാണിക്കുന്നത്. ടാക്സി ആപ്പുകൾ: മൊബൈൽ ആപ്പുകൾ വഴിയുള്ള ടാക്സി ബുക്കിംഗിൽ 64 ശതമാനം വർദ്ധനവ് രേഖപ്പെടുത്തി. ഏകദേശം 54.8 കോടിയിലധികം യാത്രകളാണ് ആപ്പുകൾ വഴി നടന്നത്. ഓട്ടോമേറ്റഡ് ട്രെയിനുകൾ: ജിദ്ദയിലെ കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിലെ ട്രെയിൻ സംവിധാനം 3.4 കോടിയിലധികം യാത്രക്കാർക്കും, റിയാദിലെ പ്രിൻസസ് നൂറ ബിന്ത് അബ്ദുൾറഹ്മാൻ യൂണിവേഴ്സിറ്റി ട്രെയിൻ 30 ലക്ഷത്തിലധികം യാത്രക്കാർക്കും മികച്ച സേവനം നൽകി. നൂതനമായ ഫ്ലീറ്റുകളും മെച്ചപ്പെട്ട കണക്റ്റിവിറ്റിയും സൗദിയിലെ പൊതുഗതാഗത സംവിധാനത്തിലുള്ള ജനങ്ങളുടെ വിശ്വാസം വർധിപ്പിച്ചതായും ട്രാൻസ്‌പോർട്ട് അതോറിറ്റി വ്യക്തമാക്കി. Published: 19 Apr 2026, 01:21 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.