'ഇന്ത്യ മികച്ച രാജ്യം, തലപ്പത്ത് എന്‍റെ വളരെ അടുത്ത സുഹൃത്ത്', വിശദീകരണവുമായി ട്രംപ്

ന്യൂസ് ഡെസ്ക് Last Updated: 23 Apr 2026, 08:24 pm IST ഡൊണാള്‍ഡ് ട്രംപ്-പ്രധാനമന്ത്രി മോദി (ഫയല്‍ ചിത്രം) |ഫോട്ടോ:AP ന്യൂഡൽഹി / വാഷിങ്ടൺ: ഇന്ത്യയെ മികച്ച രാജ്യമായി കാണുന്നുവെന്നും ഇന്ത്യയെ നയിക്കുന്നത് തന്റെ വളരെ നല്ലൊരു സുഹൃത്താണെന്നും യുഎസ് പ്രസിഡന്റ് ഡൊണാൾഡ് ട്രംപ്. ഇന്ത്യയെ നരകതുല്യമായ ഇടം എന്ന് വിശേഷിപ്പിച്ചതിന് പിന്നാലെയാണ് ട്രംപിന്റെ വിശദീകരണം. ന്യൂഡൽഹിയിലെ അമേരിക്കൻ എംബസിയാണ് ട്രംപിന്റെ പ്രതികരണം അറിയിച്ചത്. To advertise here, "ഇന്ത്യ ഒരു മികച്ച രാജ്യമാണ്, എൻ്റെ വളരെ നല്ലൊരു സുഹൃത്താണ് അവിടുത്തെ നേതാവ്" എന്ന് പ്രസിഡൻ്റ് പറഞ്ഞതായി അമേരിക്കൻ എംബസി വക്താവ് അറിയിച്ചു. ന്യൂഡൽഹിയിലെ യുഎസ് എംബസിയുടെ വക്താവ് ക്രിസ്റ്റഫർ എൽമ്‌സ് പറയുന്നതനുസരിച്ച്, റിപ്പബ്ലിക്കൻ നേതാവ് ഇന്ത്യയെക്കുറിച്ച് ഊഷ്മളമായി സംസാരിക്കുകയും അത് ഒരു മികച്ച രാജ്യമാണെന്നും അതിൻ്റെ നേതാവുമായി വ്യക്തിപരമായ സൗഹൃദമുണ്ടെന്നും പറയുകയും ചെയ്തു. നേരത്തെ വിദേശകാര്യ മന്ത്രാലയം വക്താവ് രൺധീർ ജയ്സ്വാൾ, ചില റിപ്പോർട്ടുകൾ കണ്ടിട്ടുണ്ട് എന്ന് പറയുകയും കൂടുതൽ വിശദീകരിക്കാൻ വിസമ്മതിക്കുകയും ചെയ്തിരുന്നു. അമേരിക്കൻ റേഡിയോ ഹോസ്റ്റ് മൈക്കിൾ സാവേജ് നടത്തിയ ഒരു ടോക്ക് ഷോയുടെ ട്രാൻസ്ക്രിപ്റ്റ് ട്രംപ് റീപോസ്റ്റ് ചെയ്തതിനെ തുടർന്നാണ് ഈ വിശദീകരണം വന്നത്. അതിൽ മൈക്കിൾ സാവേജ് ഇന്ത്യ, ചൈന തുടങ്ങിയ രാജ്യങ്ങളെ 'നരകതുല്യമായ സ്ഥലങ്ങൾ' എന്ന് വിശേഷിപ്പിക്കുകയും അവിടെ നിന്ന് ആളുകൾ ഗർഭകാലത്തിന്റെ ഒമ്പതാം മാസത്തിൽ അമേരിക്കയിലേക്ക് വന്ന് അവരുടെ കുട്ടികൾക്ക് അമേരിക്കൻപൗരത്വം നേടുന്നതിനെക്കുറിച്ച് പറയുകയും ചെയ്തിരുന്നു. Content Highlights: President Trump clarifies his stance on India, labeling it a great nation., Trump highlights his strong personal friendship with the Indian leader., The statement follows controversy over a reposted transcript calling India a 'hell-hole'., The US Embassy in New Delhi officially communicated the President's positive sentiments. Published: 23 Apr 2026, 08:23 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.