'ദൃശ്യം' സ്‌റ്റൈലിൽ മൺവെട്ടിയുമായി ജീത്തു; 'നമുക്കങ്ങ് പെടച്ചാലോ?!, 'ദൃഢം' ട്രെയ്‌ലർ ഇന്ന്

ഷെയ്ൻ നിഗം പോലീസ് വേഷത്തിലെത്തുന്ന 'ദൃഢം' സിനിമയുടെ ട്രെയിലർ പുറത്തിറങ്ങുന്നതിന് മുന്നോടിയായി 'ദൃശ്യം' മോഡലിലുള്ള അനൗൺസ്മെന്റ് വീഡിയോയുമായി സംവിധായകൻ ജീത്തു ജോസഫ്. മലയാളികൾ ഒരിക്കലും മറക്കാത്ത ജോർജ് കുട്ടിയുടെയും കുടുംബത്തിന്റേയും കഥ പറഞ്ഞ 'ദൃശ്യം' സിനിമയിലെ സസ്‌പെൻസ് ഘടകങ്ങളെ ഓർമിപ്പിക്കുന്ന രീതിയിലാണ് പുതിയ വീഡിയോ ഒരുക്കിയിരിക്കുന്നത്. വീണ്ടും മൺവെട്ടിയുമായി ജീത്തു ജോസഫ് പ്രത്യക്ഷപ്പെട്ടതോടെ, 'ദൃഢം' സിനിമയിൽ എന്തായിരിക്കും ഒളിപ്പിച്ചിരിക്കുന്നതെന്ന ആകാംക്ഷയിലാണ് സിനിമാ പ്രേമികൾ. ഇ ഫോർ എക്‌സ്‌പെരിമെന്റ്‌സ്, ജീത്തു ജോസഫ് (ബെഡ് ടൈം സ്റ്റോറീസ്) എന്നിവർ ചേർന്നാണ് ചിത്രം അവതരിപ്പിക്കുന്നത്. To advertise here, ഒരു പണി തീരാത്ത വീട്ടിൽനിന്ന് മുണ്ടുംമടക്കികുത്തി മൺവെട്ടിയുമായി ജീത്തു ജോസഫ് ഇറങ്ങി വരുന്നതും ഒപ്പം 'ദൃശ്യം' സിനിമയിലെ ഐക്കോണിക് ബിജിഎം പശ്ചാത്തലമായി എത്തുന്നതും 'ദൃഢം' സംവിധായകൻ അദ്ദേഹത്തെ കാണാനെത്തുന്നതുമാണ് പ്രൊമോ വീഡിയോയിലുള്ളത്. 'ദൃഢം' എല്ലാം സെറ്റായെങ്കിൽ എന്നാ പിന്നെ ഇനി വെച്ച് താമസിപ്പിക്കണോ, നമുക്കങ്ങ് പെടച്ചാലോ' എന്നും വീഡിയോയിൽ ജീത്തു ജോസഫ് ചോദിക്കുന്നുണ്ട്. 'കൊറോണ പേപ്പേഴ്‌സി'നും 'വേല'യ്ക്കും ശേഷം വീണ്ടും വേറിട്ട ഒരു പോലീസ് കഥാപാത്രമായി ഷെയ്ൻ നിഗം എത്തുന്ന 'ദൃഢം' സിനിമയിൽ എസ്‌ഐ വിജയ് രാധാകൃഷ്ണൻ എന്ന കഥാപാത്രത്തെയാണ് ഷെയ്ൻ അവതരിപ്പിക്കുന്നത്. ഇതുവരെ കണ്ട രീതിയിലുള്ളൊരു പോലീസ് സ്റ്റോറി അല്ല ചിത്രമെന്നാണ് സിനിമാവൃത്തങ്ങളിൽനിന്ന് ലഭിക്കുന്ന സൂചന. ചിത്രത്തിൽ ഷോബി തിലകൻ, കോട്ടയം രമേശ്, ദിനേശ് പ്രഭാകർ, നന്ദൻ ഉണ്ണി, വിനോദ് ബോസ്, കൃഷ്ണപ്രഭ, സാനിയ ഫാത്തിമ, അഭിറാം രാധാകൃഷ്ണൻ, പ്രശാന്ത് മുരളി, മാത്യു വർഗ്ഗീസ്, ജോജി കെ. ജോൺ, ബിട്ടോ ഡേവിസ്, അഭിഷേക് രവീന്ദ്രൻ തുടങ്ങി വലിയൊരു താരനിര തന്നെ ഒരുമിക്കുന്നുണ്ട്. മുകേഷ് ആർ. മേത്ത, സി.വി. സാരഥി എന്നിവർ ചേർന്ന് നിർമിക്കുന്ന ചിത്രത്തിന്റെ കഥ- തിരക്കഥ- സംഭാഷണം ഒരുക്കിയിരിക്കുന്നത് ജോമോൻ ജോൺ, ലിന്റോ ദേവസ്യ എന്നിവർ ചേർന്നാണ്. നവാഗതനായ മാർട്ടിൻ ജോസഫാണ് സംവിധാനം നിർവ്വഹിക്കുന്നത്. എക്‌സിക്യൂട്ടീവ് പ്രൊഡ്യൂസർ: കറ്റീന ജീത്തു, ഛായാഗ്രഹണം: പി.എം. ഉണ്ണികൃഷ്ണൻ, എഡിറ്റർ: വിനായക്, സംഗീതസംവിധാനം: ശ്രീരാഗ് സജി, സൗണ്ട് ഡിസൈനർ: രാഹുൽ ജോസഫ്, സെത് എം. ജേക്കബ്, സൗണ്ട് മിക്‌സ്: ജിതിൻ ജോസഫ്, പ്രൊഡക്ഷൻ ഡിസൈനർ: സുനിൽ ദാസ്, അസിസ്റ്റന്റ് ഡയറക്ടർ: അധിര രഘുനാഥൻ, അസോസിയേറ്റ് ഡയറക്ടർ: ക്യാത്തി ജീത്തു, അനൂപ് കെ.എസ്, ചീഫ് അസോസിയേറ്റ് സിനിമാറ്റോഗ്രാഫർ: അരവിന്ദ് ബാബു, മേക്കപ്പ്: രതീഷ് വിജയൻ, ആക്ഷൻ ഡയറക്ടർ: മഹേഷ് മാത്യു, പ്രൊഡക്ഷൻ കൺട്രോളർ: ദീപക് പരമേശ്വരൻ, വിഎഫ്എക്‌സ് ഡയറക്ടർ: ടോണി മാഗ്മിത്ത്, ഡിഐ കളറിസ്റ്റ്: ലിജു പ്രഭാകർ, കോസ്റ്റ്യൂം ഡിസൈനർ: ലേഖ മോഹൻ, ചീഫ് അസോസിയേറ്റ് ഡയറക്ടർ: അമരേഷ് കുമാർ, സ്റ്റിൽസ്: നന്ദു ഗോപാലകൃഷ്ണൻ, പബ്ലിസിറ്റി ഡിസൈൻ: ടെൻ പോയിന്റ്, മാർക്കറ്റിങ്: ടിങ്, പിആർഒ: ആതിര ദിൽജിത്ത്. Content Highlights: Jeethu Joseph creates a viral Drishyam-style promo for the movie Dridam. Shane Nigam stars as SI Vijay Radhakrishnan in a unique police thriller. The film features a massive ensemble cast including Shobi Thilakan and Kottayam Ramesh. Directed by debutant Martin Joseph, the movie promises a fresh take on the police procedural genre. Published: 05 Apr 2026, 05:37 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.