'മനുഷ്യൻ നിർമിച്ചത്'; AI രഹിത ഉത്പന്നങ്ങൾക്ക് അംഗീകൃത ലേബൽ നൽകാൻ നീക്കം

ടെക്‌നോളജി ഡെസ്‌ക് Last Updated: 16 March 2026, 03:32 PM IST ആഗോള തലത്തില്‍ അംഗീകരിക്കപ്പെടുന്ന ഒരു ലേബല്‍ കണ്ടെത്താന്‍ പല സ്ഥാപനങ്ങളും കമ്പനികളും രംഗത്തുണ്ടെന്നാണ് വെളിപ്പെടുത്തല്‍. പ്രതീകാത്മകചിത്രം | നിര്‍മിതബുദ്ധിയുടെ സഹായത്തോടെ സൃഷ്ടിച്ചത്. നിർമിതബുദ്ധി (എഐ)യുടെ സഹായമില്ലാതെ മനുഷ്യർ നിർമിക്കുന്ന ഉത്പന്നങ്ങൾക്കും നൽകുന്ന സേവനങ്ങൾക്കും അംഗീകൃത ലേബൽ വികസിപ്പിക്കാൻ ആഗോള തലത്തിൽ നീക്കം. എഐക്കെതിരെ വർധിച്ചുവരുന്ന പ്രതിഷേധത്തിന്റെ ഭാഗമാണിതെന്ന് ബിബിസി റിപ്പോർട്ടു ചെയ്യുന്നു. Proudly Human, Human-made, 'No A.I തുടങ്ങിയ പ്രഖ്യാപനങ്ങൾ സിനിമകളിലും പുസ്തകങ്ങളിലും വെബ്‌സൈറ്റുകളിലും പ്രത്യക്ഷപ്പെടുന്നതിനിടെയാണിത്. To advertise here, ആഗോള തലത്തിൽ അംഗീകരിക്കപ്പെടുന്ന ഒരു ലേബൽ കണ്ടെത്താൻ പല സ്ഥാപനങ്ങളും കമ്പനികളും രംഗത്തുണ്ടെന്നാണ് വെളിപ്പെടുത്തൽ. യുകെ, ഓസ്ട്രേലിയ, യുഎസ് എന്നിവിടങ്ങളിലെ കമ്പനികളും ലാഭേച്ഛയില്ലാത്ത സ്ഥാപനങ്ങളും ഉൾപ്പെടെയാണ് രംഗത്തുള്ളത്. 'എഐ - രഹിതം' എന്നതിന്റെ നിർവചനം സങ്കീർണമായതിനാൽ ഒരു പൊതുവായ മാനദണ്ഡം അംഗീകരിച്ചില്ലെങ്കിൽ ഉപയോക്താക്കൾ ആശയക്കുഴപ്പത്തിലാകാൻ സാധ്യതയുണ്ടെന്ന് വിദഗ്ധർ പറയുന്നു. വിശ്വാസം, വ്യക്തത, ആത്മവിശ്വാസം എന്നിവ വളർത്തുന്നതിന് ഒരു സാർവത്രിക നിർവചനം അത്യാവശ്യമാണ് എന്നാണ് അവരുടെ വാദം. ഫാഷൻ, പരസ്യം, പ്രസിദ്ധീകരണം, ഉപഭോക്തൃ സേവനങ്ങൾ, സംഗീതം എന്നിവയുൾപ്പെടെ വിവിധ വ്യവസായങ്ങളിൽ മനുഷ്യരുടെ ജോലികളും സർഗ്ഗാത്മകതയും മാറ്റിസ്ഥാപിക്കാൻ ജനറേറ്റീവ് എഐ ടൂളുകൾ ഉപയോഗിക്കുന്നതിനെ തുടർന്നാണ് എഐ-രഹിത സർട്ടിഫിക്കേഷൻ സംവിധാനങ്ങൾ സൃഷ്ടിക്കുന്നതിനുള്ള നീക്കം. കലാരംഗത്തുനിന്നാണ് എഐക്കെതിരായ പ്രതിഷേധം വലിയതോതിൽ ഉയരുന്നത്. പുസ്തകങ്ങളും സിനിമകളുമടക്കം പരമ്പരാഗത രീതികളെ അപേക്ഷിച്ച് വളരെ വേഗത്തിലും കുറഞ്ഞ ചെലവിലും എഐ ഉപയോഗിച്ച് നിർമ്മിക്കാൻ കഴിയുന്നു എന്നതാണ് പ്രതിഷേധത്തിന് കാരണം. നിലവിൽ no-ai-icon.com, ai-free.io, notbyai.fyi പോലുള്ള ചില ലേബലുകൾ സൗജന്യമായി അല്ലെങ്കിൽ ഫീസ് നൽകി ആർക്കും ഡൗൺലോഡ് ചെയ്യാൻ കഴിയും. aifreecert പോലുള്ള മറ്റ് സംവിധാനങ്ങൾക്ക് പണം നൽകേണ്ടിവരും. ഒരു ഉൽപ്പന്നം എഐ ഉപയോഗിച്ചിട്ടുണ്ടോ ഇല്ലയോ എന്ന് പരിശോധിക്കാൻ കർശനമായ ഒരു പ്രക്രിയയുണ്ട്. ഓഡിറ്റർമാർ പ്രൊഫഷണൽ അനലിസ്റ്റുകളെയും എഐ കണ്ടെത്താനുള്ള സോഫ്റ്റ്വെയറുകളും ഉപയോഗിച്ചാണ് പരിശോധന നടത്തുന്നത്. അതിനിടെ, എഐ വളരെയധികം ദൈനംദിന ടൂളുകളിൽ സംയോജിപ്പിച്ചിരിക്കുന്നു എന്നതിനാൽ യഥാർത്ഥത്തിൽ 'മനുഷ്യൻ നിർമ്മിച്ചത്' എന്താണെന്ന് നിർവചിക്കൽ സങ്കീർണ്ണമാണെന്ന് എഐ വിദഗ്ധർ പറയുന്നു. ഇത് നടപ്പിലാക്കാൻ വളരെ പ്രയാസമാണെന്നും വിമർശകർ ചൂണ്ടിക്കാട്ടുന്നു. Content Highlights: Global push for universal 'Human-Made' labeling to combat AI-driven job displacement., The challenge of defining 'AI-free' due to the spectrum of AI integration in tools., Comparison of certification models: self-auditing versus professional third-party vetting., Impact on creative industries like publishing, film, and music., The economic premium emerging for verified human-created content. Published: 16 Mar 2026, 03:32 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.