AI-യും മെഷീൻലേണിങ്ങും പഠിക്കാം; കോളേജുകളിൽ രണ്ടുവീതം പുതിയ കോഴ്സുകൾ

സ്വന്തം ലേഖകന്‍ Last Updated: 17 March 2026, 07:36 AM IST നിലവിലെ പരമ്പരാഗത കോഴ്സുകളെ കൂടുതല്‍ ആകര്‍ഷകമാക്കാന്‍ മള്‍ട്ടി ഡിസിപ്ലിനറി പ്രോഗ്രാമുകളായി മാറ്റാന്‍ സര്‍വകലാശാലകള്‍ക്ക് നിര്‍ദേശം നല്‍കിയിട്ടുണ്ട്. പ്രതീകാത്മകചിത്രം | നിര്‍മിതബുദ്ധിയുടെ സഹായത്തോടെ സൃഷ്ടിച്ചത്. തിരുവനന്തപുരം: സംസ്ഥാനത്തെ സർക്കാർ, എയ്ഡഡ് കോളേജുകളിൽ രണ്ടുവീതം പുതിയ കോഴ്സുകൾ അനുവദിച്ചു. നിർമിതബുദ്ധിയടക്കമുള്ള പുതുതലമുറ കോഴ്സുകൾ ഉൾപ്പെടെ 520 ബിരുദ, ബിരുദാനന്തര പ്രോഗ്രാമുകളാണ് തുടങ്ങുക. ഇതിനായുള്ള ഉത്തരവും പുറപ്പെടുവിച്ചു. To advertise here, സംസ്ഥാനത്തെ 69 സർക്കാർകോളേജുകളിലും 191 എയ്ഡഡ് കോളേജുകളിലും പുതിയ കോഴ്സുകൾ വരും. അധ്യാപകതസ്തികയിൽ ആദ്യ അഞ്ചുവർഷം സ്ഥിരനിയമനം ഉണ്ടാവില്ലെന്നാണ് വ്യവസ്ഥ. നിലവിൽ വിവിധ സർവകലാശാലകൾ പരിശോധന നടത്തി, സർക്കാരിന് ശുപാർശ സമർപ്പിച്ച 35 കോളേജുകളിലായി 60 പുതിയ കോഴ്സുകൾ അടുത്ത അധ്യനയവർഷം തന്നെ ആരംഭിക്കും. ബാക്കിയുള്ള കോളേജുകൾക്ക് സർവകലാശാലയുടെ അനുമതിയോടെ പുതിയ കോഴ്സുകൾ തുടങ്ങാം. ഉന്നതവിദ്യാഭ്യാസം നാലുവർഷ ബിരുദത്തിലേക്കു മാറിയതിനാൽ, ഇപ്പോൾ അനുവദിച്ച പുതുതലമുറകോഴ്സുകൾവഴി വിദ്യാർഥികൾക്ക് കൂടുതൽ മേജർ-മൈനർ വിഷയങ്ങൾ തിരഞ്ഞെടുക്കാനാവും. എ.ഐ., മെഷീൻ ലേണിങ്, സൈക്കോളജി, കംപ്യൂട്ടർ സയൻസ്, ലോജിസ്റ്റിക്‌സ്, ഫിൻടെക്, ഡേറ്റാ സയൻസ് തുടങ്ങിയ കോഴ്സുകൾ കേരളത്തിൽ പഠിക്കാൻ അവസരമൊരുങ്ങുമെന്നതാണ് മറ്റൊരു പ്രത്യേകത. തൊഴിലിനും നൈപുണിക്കും പ്രാധാന്യം നൽകി വിഭാവനം ചെയ്തതാണ് ഈ കോഴ്സുകൾ. ഇതോടൊപ്പം, നിലവിലെ പരമ്പരാഗത കോഴ്സുകളെ കൂടുതൽ ആകർഷകമാക്കാൻ മൾട്ടി ഡിസിപ്ലിനറി പ്രോഗ്രാമുകളായി മാറ്റാൻ സർവകലാശാലകൾക്ക് നിർദേശം നൽകിയിട്ടുണ്ട്. Content Highlights: Introduction of 520 new UG and PG courses in government and aided colleges., Focus on new-age subjects like AI, Machine Learning, and Data Science., Implementation of 4-year degree programs with Major-Minor subject options., Emphasis on skill-based and multidisciplinary learning., Initial 5-year period for new teaching posts will be on a contract basis. Published: 17 Mar 2026, 07:36 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.