യാത്രക്കാർ കുടുങ്ങി, യുഎസിൽ ശക്തമായ ശീതക്കാറ്റ്; 1,800ലേറെ വിമാന സർവീസുകൾ റദ്ദാക്കി, 22,349 വിമാനങ്ങൾ വൈകി

അമേരിക്കയിൽ കനത്ത ശൈത്യ കൊടുങ്കാറ്റ് മുന്നറിയിപ്പ്. ആയിരക്കണക്കിന് വിമാനങ്ങൾ റദ്ദാക്കിയതോടെ യാത്രക്കാർ വലഞ്ഞു. അവധി ദിനങ്ങളിലെ തിരക്കേറിയ യാത്രാ സമയത്ത് വടക്കുകിഴക്കൻ അമേരിക്കയിൽ ശക്തമായ ശൈത്യ കൊടുങ്കാറ്റ് മുന്നറിയിപ്പ് വന്നതോടെയാണ് ആയിരക്കണക്കിന് വിമാനങ്ങൾ റദ്ദാക്കുകയോ വൈകുകയോ ചെയ്തത്. യാത്രക്കാർ എയർലൈനുകളുമായി ബന്ധപ്പെടണമെന്ന് അധികൃതർ സോഷ്യൽ മീഡിയവഴി മുന്നറിയിപ്പ് നൽകി.