'ചില്ലായ് കലാനി' മുതലെടുത് ജമ്മു മേഖലയിൽ 35 പാക് ഭീകരർ? അതിശൈത്യത്തിനിടെ നുഴഞ്ഞുകയറ്റം; തിരച്ചിൽ തുടർന്ന് സൈന്യം

കശ്മീരിലെ അതിശൈത്യകാലമായ 'ചില്ലായ് കലാനി'യുടെ സമയത്ത് ജമ്മു കശ്മീരിലെ കിഷ്ത്വാർ, ഡോഡാ ജില്ലകളിൽ സൈന്യം ഭീകരവേട്ട ശക്തമാക്കി. പാക് ഭീകരർ കഠിനമായ തണുപ്പ് മറയാക്കി ഒളിവിൽ കഴിയുകയാണെന്നാണ് കണ്ടെത്തൽ. സൈന്യം ഉയർന്നതും മഞ്ഞുമൂടിയതുമായ പ്രദേശങ്ങളിലേക്ക് തങ്ങളുടെ പ്രവർത്തനങ്ങൾ വ്യാപിപ്പിച്ചു. ജമ്മു മേഖലയിൽ ഏകദേശം 30 മുതൽ 35 വരെ പാക് ഭീകരർ നിലവിലുണ്ടെന്ന് വിവിധ രഹസ്യാന്വേഷണ ഏജൻസികൾ വിലയിരുത്തുന്നു.