യുവാവിന്റെ മൃതദേഹത്തിൽ മർദ്ദനമേറ്റ പാടുകൾ; പോസ്റ്റ്മോർട്ടത്തിന് പിന്നാലെ ജ്യേഷ്ഠൻ അറസ്റ്റിൽ

പാലക്കാട്‌: ജ്യേഷ്ഠൻ സഹോദരനെ തല്ലിക്കൊന്നു. കഞ്ചിക്കോട് വാട്ടർ ടാങ്ക് ജംഗ്ഷൻ പഴയ പോസ്റ്റ്‌ ഓഫീസ് തെരുവിൽ താമസിക്കുന്ന ആർ. ബാബു (35) ആണു കൊല്ലപ്പെട്ടത്. സഹോദരൻ ആർ. സതീഷിനെ (37) വാളയാർ പൊലീസ് കസ്റ്റഡിയിലെടുത്തു. ഇന്നലെയാണ് ബാബുവിനെ വീട്ടിനകത്തു മരിച്ച നിലയിൽ കണ്ടെത്തിയത്. പോസ്റ്റ്മോർട്ടത്തിൽ ബാബുവിന്റെ ശരീരത്തിൽ മർദ്ദനമേറ്റ പാടുകൾ കണ്ടെത്തി.പിന്നാലെ വാളയാർ പൊലീസ് നടത്തിയ അന്വേഷണത്തിലാണ് സഹോദരൻ സതീഷിനെ പിടികൂടിയത്. തമിഴ്നാട് സ്വദേശികളായ ബാബുവും കുടുംബവും കഴിഞ്ഞ 20 വർഷമായി കഞ്ചിക്കോടാണ് താമസം