റെസ്ക്യു Posted On date_range 5 Jan 2026 8:30 AM IST Updated On date_range 5 Jan 2026 8:30 AM IST cancel text_fields bookmark_border ഭയന്നു വിറച്ച കണ്ണുകൾ ആഴമേറിയ കുളം ഓളം തട്ടി നനഞ്ഞ കരയിൽനിന്നിറങ്ങാനൊരുക്കം മുട്ടറ്റമരയറ്റമ്മുടിയറ്റം മുങ്ങി വെളിവില്ലാക്കയത്തിനും താഴെ തണുപ്പിൽ പെരും മൺവായ തുറന്ന് തള്ളിയിറങ്ങുമുറവ കാണ്ടാമരച്ചെളിയിലൂടെ ഇഴഞ്ഞിഴഞ്ഞതിൻ മറുപുറത്തുള്ള ചതുപ്പിൽ മുളങ്കറുക വകഞ്ഞുപൊങ്ങീ തലവെട്ടം ആളുകേറാമലയടിവാരം കരിയിലച്ചാലുകൾ അത്തിപ്പൂമണം ചില്ലചോന്ന കമ്പകത്തലപ്പിലൂന്നിപ്പോകുമ്പോൾ കൊളുത്തിപ്പിടിക്കും തൊടലിപ്പടർപ്പിനു പിന്നിൽ പൊരികണ്ണിപിടിച്ച മരക്കൊമ്പിൽ നിന്നിറ്റുവീഴും തേൻ ചോട്ടിൽ, ഈച്ചകളെപ്പുതച്ച് പാതിയുടൽ കയർ തേൻകുടം പായൽമൂടി വഴുക്കും പാറവിടവിലൂടുരഞ്ഞുകേറി നോക്കുമ്പോൾ ഭയന്നു വിറച്ച കണ്ണുകൾ അയാളുടെ. Show More expand_more News Summary - Malayalam poem