ഹോംസ്റ്റേയിൽ എത്തിച്ച് പീഡനം; രാഹുൽ മാങ്കൂട്ടത്തിലിന്‍റെ മുൻകൂർ ജാമ്യം റദ്ദാക്കണമെന്ന ഹരജി കോടതി തള്ളി

Posted On date_range 19 March 2026 5:25 PM IST Updated On date_range 19 March 2026 5:25 PM IST ഹോംസ്റ്റേയിൽ എത്തിച്ച് പീഡനം; രാഹുൽ മാങ്കൂട്ടത്തിലിന്‍റെ മുൻകൂർ ജാമ്യം റദ്ദാക്കണമെന്ന ഹരജി കോടതി തള്ളി text_fields bookmark_border തിരുവനന്തപുരം: ബെംഗളൂരു സ്വദേശിയായ ഇരുപത്തിമൂന്നുകാരിയെ ലൈംഗികമായി പീഡിപ്പിച്ചെന്ന കേസിൽ രാഹുൽ മാങ്കൂട്ടത്തിൽ എം.എൽ.എയുടെ മുൻകൂർ ജാമ്യം റദ്ദാക്കണമെന്ന പൊലീസ് സമർപിച്ച ഹരജി കോടതി തള്ളി. തിരുവനന്തപുരം ഒന്നാം ക്ലാസ് ജുഡീഷ്യൽ മജിസ്ട്രേറ്റ് കോടതിയാണ് ഹരജി പരിഗണിച്ചത്. പരാതിക്കാരി നെടുമങ്ങാട് കോടതിയിൽ രഹസ്യ മൊഴി നൽകിയിരുന്നു. ഇതിനുപിന്നാലെ ഫെബ്രുവരി 17ന് രാഹുൽ അവരെ വാട്സ് ആപ്പിൽ ബന്ധപ്പെടാൻ ശ്രമിച്ചുവെന്ന് ചൂണ്ടിക്കാട്ടിയാണ് ജാമ്യം റദ്ദാക്കണമെന്നാവശ്യപ്പെട്ട് പ്രത്യേക അന്വേഷണ സംഘം കോടതിയെ സമീപിച്ചത്. ജാമ്യ വ്യവസ്ഥ രാഹുൽ ലംഘിച്ചെന്നും പരാതിക്കാരിയെ സ്വാധീനിക്കാൻ ശ്രമിച്ചു എന്നുമായിരുന്നു പ്രോസിക്യൂഷൻ വാദം. എന്നാൽ പൊലീസിന്‍റെ നീക്കം രാഷ്ട്രീയ പ്രേരിതമാണെന്നാണ് പ്രതിഭാഗം വാദിച്ചത്. 2023ൽ വിവാഹ വാഗ്ദാനം നൽകി രാഹുൽ ഹോംസ്റ്റേയിൽ എത്തിച്ച് ലൈംഗികമായി പീഡിപ്പിച്ചു എന്നാണ് പരാതി. Show Full Article Don't miss the exclusive news, Stay updated Subscribe to our Newsletter Thank You! Your subscription means a lot to us Still haven't registered? Click here to Register News Summary -  Court dismisses plea seeking cancellation of Rahul Mankootathil’s anticipatory bail