കണ്ണൂര്: ഉത്തരേന്ത്യന് സംസ്ഥാനങ്ങളിലടക്കം ഒട്ടേറെ വാഹന മോഷണക്കേസുകളില് പ്രതിയായ കുപ്രസിദ്ധ മോഷ്ടാവ് കാല് നൂറ്റാണ്ടിന് ശേഷം ക്രൈംബ്രാഞ്ചിന്റെ വലയിലായി. 2004-ല് കണ്ണൂര് ടൗണ് പോലീസ് രജിസ്റ്റര് ചെയ്ത പത്തോളം വാഹന മോഷണക്കേസുകളിലെ പ്രതിയായ ബല്ദേവ് സിംഗിനെയാണ് പോലീസ് സംഘം അറസ്റ്റ് ചെയ്തത്. ഉത്തര്പ്രദേശിലെ അലിഗഡിലുള്ള ടപ്പലില് നിന്നാണ് ഇയാളെ പിടികൂടിയത്.
ഹരിയാന പോലീസ് ക്രൈം സ്ക്വാഡിന്റെ സഹായത്തോടെ കണ്ണൂര് ക്രൈംബ്രാഞ്ച് യൂണിറ്റിലെ എസ്.ഐ. മധുസൂദനന്, എ.എസ്.ഐ.മാരായ ബിജു, രാജേഷ് കുമാര് എന്നിവരടങ്ങുന്ന സംഘമാണ് ഞായറാഴ്ച പ്രതിയെ സാഹസികമായി അറസ്റ്റ് ചെയ്തത്.
കണ്ണൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് ഇയാള്ക്കെതിരെ ഒരു എല്.പി. വാറണ്ട് ഉള്പ്പെടെ ഒമ്പതോളം വാറണ്ടുകള് നിലവിലുണ്ട്. കഴിഞ്ഞ 22 വര്ഷമായി ഹരിയാന, ഡല്ഹി, ഉത്തര്പ്രദേശ് എന്നീ സംസ്ഥാനങ്ങളില് മാറി മാറി ഒളിവില് കഴിഞ്ഞുവരികയായിരുന്നു പ്രതി. പിടിയിലായ പ്രതിയെ കോടതിയില് ഹാജരാക്കി റിമാന്ഡ് ചെയ്യാനുള്ള നടപടികള് പോലീസ് ആരംഭിച്ചു.