മിനസോട്ട സെനറ്റ് തിരഞ്ഞെടുപ്പില് ലഫ്റ്റനന്റ് ഗവര്ണര് പെഗ്ഗി ഫ്ലാനഗണ് പിന്തുണ പ്രഖ്യാപിച്ച് കോണ്ഗ്രസ് അംഗം ഇല്ഹാന് ഒമര്. കോര്പ്പറേറ്റ് താല്പ്പര്യങ്ങള്ക്കും ട്രംപിന്റെ നയങ്ങള്ക്കുമെതിരെ പോരാടാന് ഫ്ലാനഗണ് കരുത്തയായ നേതാവാണെന്ന് ഒമര് പ്രസ്താവിച്ചു.
സഹപ്രവര്ത്തകയായ ആംഗി ക്രെയ്ഗിനെ മറികടന്നാണ് ഇല്ഹാന് ഒമര് ഫ്ലാനഗണ് പിന്തുണ നല്കിയത്. നിലവിലെ സെനറ്റര് ടീന സ്മിത്തും ഫ്ലാനഗണ് നേരത്തെ പിന്തുണ അറിയിച്ചിരുന്നു.കുടിയേറ്റ നയങ്ങളെ ചൊല്ലി ഫ്ലാനഗണും ആംഗി ക്രെയ്ഗും തമ്മില് ശക്തമായ പോരാട്ടമാണ് നടക്കുന്നത്. ഐസ് നടപടികളെ പിന്തുണച്ച ആംഗി ക്രെയ്ഗിന്റെ നിലപാടിനെ ഫ്ലാനഗണ് രൂക്ഷമായി വിമര്ശിച്ചു.
ഓഗസ്റ്റ് 11-നാണ് ഡെമോക്രാറ്റിക് പ്രൈമറി നടക്കുന്നത്. സര്വേകളില് ഫ്ലാനഗണ് മുന്നിലാണെങ്കിലും ആംഗി ക്രെയ്ഗിന്റെ പക്കല് വലിയ തോതിലുള്ള പ്രചാരണ ഫണ്ടുണ്ട്.2002-ന് ശേഷം മിനസോട്ടയില് റിപ്പബ്ലിക്കന് സെനറ്റര്മാര് ജയിച്ചിട്ടില്ലാത്തതിനാല്, ഡെമോക്രാറ്റിക് പ്രൈമറിയില് ജയിക്കുന്നയാള് അടുത്ത സെനറ്ററാകാന് സാധ്യത കൂടുതലാണ്. റിപ്പബ്ലിക്കന് പക്ഷത്ത് നിന്ന് മുന് സ്പോര്ട്സ് കാസ്റ്റര് മിഷേല് തഫോയയാണ് പ്രധാന സ്ഥാനാര്ത്ഥി.