വടക്കാഞ്ചേരി : സംസ്ഥാനപാതയിലെ അകമല വാഹനാപകട മേഖലയാകുന്നു. ബുധനാഴ്ച രാവിലെ സ്വകാര്യബസ് ടോറസ് ലോറിക്ക് പിന്നിൽ ഇടിച്ച് മൂന്നുപേർക്ക് നിസ്സാര പരിക്ക്. മുൻവശത്തെ ചില്ല് തകർന്ന് പരിക്കേറ്റവർ ജില്ലാ ആശുപത്രിയിൽ ചികിത്സ തേടി. പഴയന്നൂർ-തൃശ്ശൂർ റൂട്ടിൽ സർവീസ് നടത്തുന്ന ഉണ്ണികൃഷ്ണ എന്ന ബസാണ് അപകടത്തിൽപ്പെട്ടത്. രണ്ടു മാസത്തിനുള്ളിൽ വിവിധ അപകടങ്ങളിലായി രണ്ടുപേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തിരുന്നു. To advertise here, അകമലയിലെ പാതയോരത്തെ അനധികൃത കച്ചവടങ്ങളും വാഹനപാർക്കിങ്ങുമാണ് അപകടങ്ങൾക്ക് കാരണമെന്ന് സമീപവാസികൾ പറയുന്നു. പൊതുമരാമത്ത് വകുപ്പ് ആവശ്യമായ നടപടി സ്വീകരിക്കണമെന്ന ആവശ്യവുമായി ഡിവിഷൻ കൗൺസിലർ കെ.പി. മദനൻ അധികൃതരെ സമീപിച്ചിട്ടുണ്ട്. പോലീസ് സ്റ്റേഷന് സമീപം ലോറിക്ക് പിന്നിൽ പിക്കപ്പ് വാൻ ഇടിച്ച അപകടത്തിലും വാൻഡ്രൈവർ പരിക്കേൽക്കാതെ രക്ഷപ്പെട്ടു. Published: 14 May 2026, 03:22 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.