കൊല്ലം : രാത്രിയിൽ അമിതവേഗത്തിലെത്തിയ വാഹനം വീടിന്റെ മതിലും ഗേറ്റും ഇടിച്ചുതകർത്ത് കടന്നു. അമ്മൻനട ശ്രീകുമാർ ബിൽഡിങ്, മൈത്രി നഗർ-100, ജയപാലൻനായരുടെ വീടിന്റെ മതിലും ഗേറ്റുമാണ് വാഹനം തകർത്തത്. To advertise here, ചൊവാഴ്ച പുലർച്ചെ 1.17-നായിരുന്നു സംഭവം. ഈ സമയം ജയപാലൻനായരും മകൻ ഗൗതം കൃഷ്ണനുമാണ് വീട്ടിലുണ്ടായിരുന്നത്. ഉറങ്ങുകയായിരുന്നതിനാൽ ഇവർ സംഭവമറിഞ്ഞില്ല. രാവിലെ ഉറക്കമുണർന്ന് പുറത്തിറങ്ങിയപ്പോഴാണ് മുൻവശത്ത് കാര്യമായ അപകടം നടന്നതായി കണ്ടത്. തുടർന്ന് നിരീക്ഷണ ക്യാമറ പരിശോധിച്ചപ്പോഴാണ് സംഭവം വ്യക്തമായത്. ഗേറ്റ് തകർത്ത് അകത്തുകടന്ന വാഹനത്തിലുള്ളവർ പുറത്തിറങ്ങുന്നതും രണ്ടുമിനിറ്റിനുള്ളിൽ വാഹനമെടുത്ത് കടക്കുന്നതും അടുത്തുള്ള നിരീക്ഷണ ക്യാമറാ ദൃശ്യങ്ങളിൽ പതിഞ്ഞിട്ടുണ്ട്. ഈസ്റ്റ് പോലീസ് സ്റ്റേഷനിൽ പരാതി നൽകിയെങ്കിലും വാഹനം കണ്ടെത്താനായിട്ടില്ല. Published: 14 May 2026, 01:54 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.