അമ്പലപ്പാറ : അബുദാബിയിൽ വാഹനാപകടത്തിൽ മരിച്ച ഒറ്റപ്പാലം അമ്പലപ്പാറ സ്വദേശിയായ യുവാവിന്റെ മൃതദേഹം നാട്ടിലെത്തിച്ചു. അമ്പലപ്പാറ കാളിയത്ത് മുഹമ്മദ് ഇർഷാദിന്റെ (23) മൃതദേഹമാണ് ബുധനാഴ്ച രാവിലെ എട്ട് മണിയോടെ തൗഫീക്ക്പടിയിലുള്ള വീട്ടിൽ എത്തിച്ചത്. വീടിന് സമീപം പൊതുദർശനത്തിനുവെച്ച മൃതദേഹത്തിൽ നിയുക്ത എം.എൽ.എ. കെ. പ്രേംകുമാർ ഉൾപ്പെടെയുള്ളവർ അന്തിമോപചാരം അർപ്പിച്ചു. To advertise here, മേയ് അഞ്ചാം തീയതിയാണ് ഇർഷാദ് സഞ്ചരിച്ചിരുന്ന കാർ അബുദാബിയിൽ അപകടത്തിൽപ്പെട്ടത്. തലയ്ക്ക് ഗുരുതരമായി പരിക്കേറ്റ് അബുദാബിയിലെ ആശുപത്രിയിൽ വെന്റിലേറ്ററിലായിരുന്ന ഇർഷാദ് ശനിയാഴ്ച രാവിലെയാണ് മരിച്ചത്. മാതാവ്: റുഖിയ. സഹോദരിമാർ: ഇർഫാന, റംസാന. Published: 14 May 2026, 03:29 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.