തലപ്പലം : പഞ്ചായത്തിലെ ആശവർക്കർമാരേയും ഹരിതകർമസേനാംഗങ്ങളെയും പാലിയേറ്റിവ് നഴ്സ് റീനായെയും ലയൺസ് ക്ലബ് ഓഫ് അടൂർ എമിറേറ്റ്സിന്റെ നേതൃത്വത്തിൽ ആദരിച്ചു. സമ്മേളനം നിയുക്ത പൂഞ്ഞാർ എം.എൽ.എ. എം.ജെ. സെബാസ്റ്റ്യൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജോമി ബെന്നി അധ്യക്ഷത വഹിച്ചു. To advertise here, ലയൺസ് ജില്ലാ ചീഫ് പ്രോജക്ട് കോഡിനേറ്റർ സിബി മാത്യു പ്ലാത്തോട്ടം മുഖ്യപ്രഭാഷണം നടത്തി. പഞ്ചായത്ത് വൈസ് പ്രസിഡന്റ് ജോയി ജോസഫ്, പഞ്ചായത്ത് അംഗങ്ങൾ എന്നിവർ പ്രസംഗിച്ചു. മേലുകാവ് : പഞ്ചായത്ത് നഴ്സസ് ദിനഘോഷം ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ജോയി സ്കറിയ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ബിൻസി റ്റോമി അധ്യക്ഷത വഹിച്ചു. ഇടമറുക് ഹെൽത്ത് സെന്ററിലെ നഴ്സ് ജംഷീലയെ ചടങ്ങിൽ ആദരിച്ചു. മെഡിക്കൽ ഓഫീസർ ഡോ. സരള, സുനിൽ ഐസക്ക്, പ്രസന്ന സോമൻ, പോൾ ബേബി എന്നിവർ പ്രസംഗിച്ചു. വെള്ളികുളം : സെയ്ന്റ് ആന്റണീസ് പള്ളിയിലെ മാതൃവേദിയുടെയും കുടുംബകൂട്ടായ്മയുടെയും നഴ്സ് ദിനാചരണം കാഞ്ഞിരപ്പള്ളി സെയ്ന്റ് ഡൊമിനിക്ക് കോളേജ് റിട്ട. പ്രിൻസിപ്പൽ ഡോ. ആൻസി ജോസഫ് ഉദ്ഘാടനം ചെയ്തു. മരീന ജോമി അധ്യക്ഷത വഹിച്ചു. സമ്മേളനത്തിൽ നഴ്സുമാരായ മഞ്ജു സിജോ, മേഴ്സി മാത്യു എന്നിവരെ ആദരിച്ചു. വികാരി ഫാ. സ്കറിയ വേകത്താനം, ഫാ. റോണി മണിയാക്കുപാറയിൽ ജെസ്സി ഷാജി, ബിൻസി സെബാസ്റ്റ്യൻ, റീനാ റെജി തുടങ്ങിയവർ പ്രസംഗിച്ചു. Published: 14 May 2026, 02:22 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.