ബെംഗളൂരു : മുൻ മുഖ്യമന്ത്രിയും പ്രതിപക്ഷനേതാവുമായ പിണറായിവിജയന്റെ വീട്ടിൽ നടന്ന ഇ.ഡി. റെയ്ഡിനെതിരേ ബെംഗളൂരുവിൽ സി.പി.എം. പ്രതിഷേധിച്ചു. നഗരത്തിലെ രണ്ടിടങ്ങളിൽ പ്രതിഷേധ പ്രകടനങ്ങൾ നടന്നു. ബെംഗളൂരു ജില്ലാ കമ്മിറ്റിയുടെ നേതൃത്വത്തിൽ ഫ്രീഡം പാർക്കിൽ നടന്ന പ്രതിഷേധത്തിൽ ജില്ലാ സെക്രട്ടറി പ്രതാപ് സിംഹ, മഞ്ജുനാഥ്, സെക്രട്ടേറിയറ്റ് അംഗങ്ങളായ ഗോപാലകൃഷ്ണ ആറനഹള്ളി, കെ.എസ്. ലക്ഷ്മി, ബി. ചന്ദ്രശേഖര എന്നിവർ സംസാരിച്ചു. ബെംഗളൂരു ഈസ്റ്റ് സോണൽ കമ്മിറ്റിയുടെ നേതൃത്വത്തിൽ കെ.ആർ. പുരം ബി.ബി.എം.പി. ഓഫീസിനു മുമ്പിൽ നടന്ന പ്രതിഷേധ യോഗം സംസ്ഥാനക്കമ്മിറ്റിഅംഗം ഗൗരമ്മ ഉദ്ഘാടനം ചെയ്തു. ജില്ലാകമ്മിറ്റി അംഗങ്ങളായ നഞ്ചേഗൗഡ, ഗോപാലഗൗഡ, മുനിരാജു, സി.രമേശ് എന്നിവർ സംസാരിച്ചു. സി. കുഞ്ഞപ്പൻ, എ. ഗോപിനാഥ്, ശരണപ്പ എന്നിവർ നേതൃത്വം നൽകി. To advertise here, Published: 30 May 2026, 05:11 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.