കരൂപ്പടന്ന : കരൂപ്പടന്ന പാലത്തിനുസമീപം വ്യാപകമായി മാലിന്യം തള്ളുന്നതായി പരാതി. വെള്ളാങ്ങല്ലൂർ പഞ്ചായത്തിന്റെയും കൊടുങ്ങല്ലൂർ നഗരസഭയുടെയും അതിർത്തിയിലുള്ള പാലത്തിന്റെ സമീപത്ത് പലയിടങ്ങളിലായി മാലിന്യം തള്ളുന്നുണ്ട്. To advertise here, പ്ലാസ്റ്റിക് മാലിന്യം, മദ്യക്കുപ്പികൾ, ഡയപ്പറുകൾ, ബാർബർഷോപ്പിലെ മാലിന്യം, ഭക്ഷണാവശിഷ്ടങ്ങൾ തുടങ്ങിയവ ചാക്കുകളിലാക്കിയും അല്ലാതെയും കൊണ്ടുവന്നു തള്ളുന്നുണ്ട്. കൂടാതെ വാഹനങ്ങളിൽ പോകുമ്പോൾ പാലത്തിൽനിന്ന് നേരിട്ട് ഇടുന്നവയും ഉണ്ട്. പാലത്തിനോടുചേർന്ന് കുറ്റിക്കാടുകളുള്ളത് മാലിന്യം തള്ളുന്നതിന് സൗകര്യമാകുന്നു. അധികൃതരുടെ നേതൃത്വത്തിൽ പ്രദേശത്തെ കുറ്റിക്കാടുകൾ വെട്ടിവൃത്തിയാക്കുമ്പോഴാണ് ഇവ ധാരാളമായി പുറത്തുകാണുന്നത്. പാലത്തിനുസമീപം കാടുകൾ വെട്ടിത്തെളിച്ച് വൃത്തിയാക്കലിന് സ്ഥിരം സംവിധാനമുണ്ടാക്കുക, സി.സി.ടി.വി. ക്യാമറകൾ സ്ഥാപിച്ച് മാലിന്യം തള്ളുന്നവരെ കണ്ടെത്തി ശിക്ഷാനടപടികൾ സ്വീകരിക്കുക, മുന്നറിയിപ്പ് ബോർഡുകൾ സ്ഥാപിക്കുക, രാത്രിയിൽ പോലീസ് പട്രോളിങ് ഊർജിതമാക്കുക തുടങ്ങിയ ആവശ്യങ്ങൾ പ്രദേശവാസികൾ ഉന്നയിച്ചു. Published: 14 May 2026, 03:21 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.