കുണ്ടംകുഴി : ചൊവ്വാഴ്ച വൈകിട്ട് പെയ്ത മഴയോടൊപ്പം വീശിയടിച്ച കാറ്റിലും ഇടിമിന്നലിലും വ്യാപക നാശം. കൊളത്തൂർ കോപ്പാളംകയ കെ.ഭാസ്കരൻ നായരുടെ വാഴത്തോട്ടം പാടേ നശിച്ചു, കൊല്ലരംകോട് പണമ്മേൽ രാജേന്ദ്രൻ, മുത്തു നായർ എന്നിവരുടെ തെങ്ങ് മിന്നലേറ്റ് നശിച്ചു. പുത്തിയടുക്കം ഉപേന്ദ്രന്റെ വളർച്ചയെത്തിയ രണ്ട് തെങ്ങ് കാറ്റിൽ ചുവടോടെ കടപുഴകി. To advertise here, തോണിക്കടവ് എം.രാധാകൃഷ്ണന്റെ കാട് വെട്ടുന്ന യന്ത്രം കത്തി. ചൊവ്വാഴ്ച കാട് വെട്ടിയ ശേഷം തോട്ടത്തിലെ ഷെഡിൽ വെച്ച യന്ത്രം ബുധനാഴ്ച രാവിലെയാണ് കത്തിയതായി കണ്ടത്. കുണ്ടംകുഴി-മൂന്നാംകടവ് റോഡിൽ പുത്തിയടുക്കത്ത് ബേളന്തടുക്കം ജങ്ഷനിൽ റോഡരികിലെ കൂറ്റൻ മരം വൈദ്യുതത്തൂണിലേക്ക് കടപുഴകിയതിനാൽ തടസ്സപ്പെട്ട വൈദ്യുതിവിതരണം ബുധനാഴ്ച വൈകിട്ട് ആറോടെ ഭാഗികമായി പുനഃസ്ഥാപിച്ചു. Published: 14 May 2026, 04:39 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.