ചെങ്കൽ ഖനനം: വള്ള്യായി നവോദയക്കുന്നിൽ മൂന്ന് ലോറികൾ പിടികൂടി

പാനൂർ : നിർദിഷ്ട കിൻഫ്ര പാർക്കിന് അക്വയർചെയ്ത ഭൂമിയിൽ അനധികൃത ഖനനംനടത്തുന്ന വള്ള്യായി നവോദയ കുന്നിലെ സ്ഥലത്ത് റെയ്ഡ് നടത്തി. ചൊവ്വാഴ്ച ഉച്ചയ്ക്കാണ് പരിശോധന നടന്നത്. സ്ഥലത്തുനിന്ന്‌ മൂന്ന് ലോറികൾ പിടികൂടി. പിടികൂടിയ ലോറികൾ കണ്ണവം പൊലീസ് സ്റ്റേഷനിലേക്ക് മാറ്റി. വള്ള്യായി നവോദയ കുന്നിലെ നിർദിഷ്ട കിൻഫ്ര പാർക്ക് ഭൂമിയിൽ ഖനനം നിരോധിച്ചുകൊണ്ട് നേരത്തെ കളക്ടർ ഉത്തരവിറക്കിയിരുന്നു. To advertise here, ഇവിടെയുള്ള ബയോറിസോഴ് സെന്ററിനുവേണ്ടി പണിത കെട്ടിടത്തിനുപോലും അനധികൃത ചെങ്കൽ ഖനനം ഭീഷണിയായിട്ടുണ്ട്. കണ്ണവം എസ്.ഐ. മനോജ് കുമാർ, ചെറുവാഞ്ചേരി വില്ലേജ്‌ ഓഫീസർ പി.കെ. ഉണ്ണികൃഷ്ണൻ, വില്ലേജ് അസിസ്റ്റന്റ് അജയരാജ് എന്നിവരുടെ നേതൃത്വത്തിലായിരുന്നു പരിശോധന. Published: 14 May 2026, 04:16 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.