കണ്ണൂർ : കണ്ണൂരിൽ തീവണ്ടി ഇറങ്ങിയാൽ സ്കൂട്ടർ വാടകയ്ക്കെടുത്ത് പയ്യാമ്പലം ബീച്ചും കോട്ടയും അറക്കൽ മ്യൂസിയവും കണ്ട് കറങ്ങി തിരിച്ചുവരാം. അതിനുള്ള സൗകര്യം കണ്ണൂർ റെയിൽവേ സ്റ്റേഷനിൽ തുടങ്ങി. മണിക്കൂർ, ദിവസ വാടകയ്ക്ക് സ്കൂട്ടർ നൽകും. ആധാർ കാർഡ്, ലൈസൻസ് എന്നീ രേഖകളുടെ പകർപ്പ് നൽകണം. ഹെൽമെറ്റ് നൽകും. ജി.പി.എസ്. സംവിധാനം ഉണ്ടാകും. To advertise here, വൈവിധ്യവത്കരണത്തിന്റെ ഭാഗമായി റെയിൽവേയാണ് സ്ഥലം നൽകുന്നത്. കരാറുകാരാണ് സംരംഭം ഒരുക്കിയത്. വിനോദ സഞ്ചാരം ഉൾപ്പെടെ ചെറുദൂര യാത്രാ ആവശ്യങ്ങൾക്കും വാഹനം ഉപയോഗിക്കാം. ഉടൻ ഇ-സ്കൂട്ടറും കണ്ണൂർ റെയിൽവേ സ്റ്റേഷനിൽ വാടകയ്ക്ക് ഒരുങ്ങും. Published: 14 May 2026, 04:15 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.