നീറ്റ് യുജി 2026 റദ്ദാക്കിയതിൽ വിദ്യാർഥികൾ അറിഞ്ഞിരിക്കേണ്ട എല്ലാ പ്രധാന കാര്യങ്ങളും

2026 മേയ് 3-ന് നടന്ന നീറ്റ് പരീക്ഷ ക്രമക്കേടുകളെത്തുടർന്ന് NTA റദ്ദാക്കിയത് ലക്ഷക്കണക്കിന് മെഡിക്കൽ വിദ്യാർഥികളെയും അവരുടെ കുടുംബങ്ങളെയും വലിയ ആശങ്കയിലാഴ്ത്തിയിരിക്കുകയാണ്. ഈ സാഹചര്യത്തിൽ വിദ്യാർഥികൾ അറിഞ്ഞിരിക്കേണ്ട പ്രധാന വിവരങ്ങൾ താഴെ നൽകുന്നു. To advertise here, എന്തുകൊണ്ടാണ് പരീക്ഷ റദ്ദാക്കിയത്? പരീക്ഷാ ചോദ്യപ്പേപ്പർ ചോർന്നുവെന്ന ആരോപണങ്ങളെത്തുടർന്നാണ് കേന്ദ്ര സർക്കാരും എൻടിഎയും പരീക്ഷ റദ്ദാക്കാൻ തീരുമാനിച്ചത്. ചോദ്യപ്പേപ്പർ വലിയ തോതിൽ ക്രമക്കേടുകൾക്ക് വിധേയമായതായി അന്വേഷണ ഏജൻസികൾ കണ്ടെത്തി. ഏകദേശം 140 ചോദ്യങ്ങൾ മുൻകൂട്ടി ചോർന്ന ചോദ്യങ്ങളുമായി സാമ്യമുള്ളവയായിരുന്നു എന്ന് റിപ്പോർട്ടുകൾ സൂചിപ്പിക്കുന്നു. രാജസ്ഥാനിലെ സിക്കർ കേന്ദ്രീകരിച്ചാണ് പ്രധാനമായും ക്രമക്കേടുകൾ നടന്നതെന്ന് സംശയിക്കപ്പെടുന്നു. കൂടാതെ, ടെലഗ്രാം പോലുള്ള സോഷ്യൽ മീഡിയ പ്ലാറ്റ്‌ഫോമുകളിലൂടെ പരീക്ഷാ പേപ്പറിന്റെ സ്ക്രീൻഷോട്ടുകളും വീഡിയോകളും പ്രചരിച്ചതും പരീക്ഷയുടെ വിശ്വാസ്യതയെ ബാധിച്ചു. നിലവിൽ ഈ കേസ് സമഗ്രമായ അന്വേഷണത്തിനായി സിബിഐക്ക് വിട്ടിരിക്കുകയാണ്. വിദ്യാർഥികൾ ശ്രദ്ധിക്കേണ്ട കാര്യങ്ങൾ പുനഃപരീക്ഷയുമായി ബന്ധപ്പെട്ട് വിദ്യാർഥികൾക്ക് ആശയക്കുഴപ്പമുണ്ടാക്കുന്ന പല കാര്യങ്ങളിലും എൻടിഎ പ്രാഥമിക വിശദീകരണം നൽകിയിട്ടുണ്ട് വീണ്ടും രജിസ്റ്റർ ചെയ്യണോ?: വേണ്ട. 2026 മേയിലെ പരീക്ഷയ്ക്കായി അപേക്ഷിച്ചവർ വീണ്ടും രജിസ്റ്റർ ചെയ്യേണ്ടതില്ല. പഴയ അപേക്ഷകൾ തന്നെ പരിഗണിക്കും. പരീക്ഷാ ഫീസ്: വിദ്യാർഥികൾ വീണ്ടും പരീക്ഷാ ഫീസ് അടയ്ക്കേണ്ടതില്ല. അഡ്മിറ്റ് കാർഡ്: എല്ലാ വിദ്യാർഥികൾക്കും പുതിയ അഡ്മിറ്റ് കാർഡുകൾ എൻടിഎ നൽകുന്നതാണ്. പരീക്ഷാ കേന്ദ്രം: മിക്കവാറും പഴയ പരീക്ഷാ കേന്ദ്രങ്ങൾ തന്നെ തുടരാനാണ് സാധ്യതയെങ്കിലും അലോട്ട്‌മെന്റിൽ മാറ്റമുണ്ടാകുമോ എന്ന് പിന്നീട് അറിയിക്കും. പുതിയ തീയതി: പുനഃപരീക്ഷയുടെ തീയതി എൻടിഎ ഉടൻ തന്നെ ഔദ്യോഗികമായി പ്രഖ്യാപിക്കും. പഠനത്തിൽ ഇനി ശ്രദ്ധിക്കേണ്ടത് വിദ്യാർഥികൾക്കും രക്ഷിതാക്കൾക്കും നൽകാനുള്ള നിർദ്ദേശം പരീക്ഷ റദ്ദാക്കിയതുമൂലം ഉണ്ടായേക്കാവുന്ന മാനസിക സമ്മർദ്ദം കുറയ്ക്കാൻ വിദ്യാർഥികൾ പുതിയ വിനോദങ്ങളിൽ ഏർപ്പെടുകയോ വായന തുടരുകയോ ചെയ്യണമെന്ന് വിദഗ്ദ്ധർ നിർദ്ദേശിക്കുന്നു. ഗ്യാപ്പ് ഇയർ (Gap Year) എടുക്കാൻ ആഗ്രഹിക്കുന്നവർ കേവലം ഒരു മെഡിക്കൽ സീറ്റിന് വേണ്ടി മാത്രമാകാതെ, പഠനത്തിലെ വിടവുകൾ നികത്താനും അറിവ് വർദ്ധിപ്പിക്കാനും ഈ സമയം ഉപയോഗിക്കണം. ഏറ്റവും പ്രധാനമായി, സോഷ്യൽ മീഡിയയിലൂടെ പ്രചരിക്കുന്ന അടിസ്ഥാനരഹിതമായ വാർത്തകളിൽ വിശ്വസിക്കരുത്. കൃത്യമായ വിവരങ്ങൾക്കായി എൻടിഎയുടെ ഔദ്യോഗിക വെബ്സൈറ്റും ചാനലുകളും മാത്രം പിന്തുടരുക.