പക്ഷിപ്രദർശനവും ഓമനിക്കാൻ പാമ്പുകളും; കട്ടപ്പന ഫെസ്റ്റ് നഗരിയിൽ തിരക്കേറുന്നു

കട്ടപ്പന : അപൂർവയിനം പക്ഷികളും കൈയിലെടുത്ത് ഓമനിക്കാൻ കഴിയുന്ന പാമ്പും കട്ടപ്പന ഫെസ്റ്റിന്റെ പ്രധാന ആകർഷണമാകുന്നു. To advertise here, സ്ത്രീകൾ ഉൾപ്പെടെയുള്ളവർ പാമ്പുകളെ കഴുത്തിലിട്ടും കൈയിൽ പിടിച്ചും ചിത്രങ്ങൾ എടുക്കുന്നുണ്ട്. കൂടാതെ മർമയിഡ് ഷോയും ഏറെ ജനശ്രദ്ധ ആകർഷിക്കുന്നുണ്ട്. നാല് മത്സ്യകന്യകമാരാണ് മർമയിഡ് ഷോയിൽ പങ്കെടുക്കുന്നത്. സായാഹ്നങ്ങളിൽ വൈവിധ്യമാർന്ന കലാ പരിപാടികളാണ് ഫെസ്റ്റിൽ ഉൾപ്പെടുത്തിയിരിക്കുന്നത്. വ്യാഴാഴ്ച വൈകീട്ട് 7.30-ന് ചലച്ചിത്ര പിന്നണി ഗായിക വൈക്കം വിജയലക്ഷ്മി നയിക്കുന്ന ഗാനമേള. 16-ന് വൈകീട്ട് പ്രശസ്ത നാടൻപാട്ട് കലാകാരി പ്രസീത ചാലക്കുടി നയിക്കുന്ന നാട്ടരങ്ങ് മെഗാ ഫോക്ക് ഷോ. 17-ന് വൈകീട്ട് കൊച്ചിൻ ഡ്രീം ടീം അവതരിപ്പിക്കുന്ന ഫാമിലി മെഗാ ഷോ എന്നിവ നടക്കും. Published: 14 May 2026, 02:54 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.