കൂറ്റനാട് : പഴുത്ത പപ്പായ മുറിച്ചപ്പോൾ ഉള്ളിലെ വിത്തുകളെല്ലാം മുളച്ച് തൈകളായി വളർന്നുനിൽക്കുന്ന അപൂർവ കാഴ്ച വീട്ടുകാരെയും നാട്ടുകാരെയും അത്ഭുതപ്പെടുത്തി. ചാലിശ്ശേരി സി.എസ്.ഐ. പള്ളിക്ക് സമീപം റിട്ട. അധ്യാപിക സലോമിയുടെയും ഭർത്താവ് ചീരൻ സോമന്റെയും വീട്ടുവളപ്പിലെ പപ്പായ മരത്തിൽനിന്ന് കിട്ടിയ പഴത്തിലാണ് ഈ അപൂർവ പ്രതിഭാസം കണ്ടത്. പുറംതോടിന് യാതൊരു കേടും ഇല്ലാതിരുന്നിട്ടും ഉള്ളിലെ വിത്തുകൾ എങ്ങനെ ഇത്രത്തോളം വളർന്നു എന്നത് എല്ലാവരിലും കൗതുകമുണർത്തി. To advertise here, ഇത് 'വിവിപ്പാരി' സസ്യശാസ്ത്രത്തിൽ ഈ പ്രതിഭാസത്തെ 'വിവിപ്പാരി' എന്നാണ് വിളിക്കുന്നത്. സാധാരണ വിത്തുകൾ പഴത്തിൽനിന്ന് പുറത്തെടുത്ത് മണ്ണിൽ പാകിയാലാണ് മുളയ്ക്കുക. എന്നാൽ ചില പ്രത്യേക സാഹചര്യങ്ങളിൽ പഴത്തിനുള്ളിലെ ഈർപ്പവും താപനിലയും അനുകൂലമാകുമ്പോൾ വിത്തുകൾ പുറത്തെത്തും മുൻപേ മുളയ്ക്കും. ഈ സമ്പ്രദായത്തെയാണ് ‘വിവിപ്പാരി’ എന്ന് പറയുന്നത്. ചക്കയിൽ ഇത് സാധാരണയായി കാണുന്ന കാഴ്ചയാണ്. വിത്തുകൾ മുളച്ചെങ്കിലും പപ്പായയുടെ ഉൾഭാഗം നല്ല ചുവന്ന് പാകമായ നിലയിലായിരുന്നു. സാധാരണയുള്ളതിനേക്കാൾ മധുരവും ഉണ്ടായിരുന്നതായി വീട്ടുകാർ പറഞ്ഞു. Published: 14 May 2026, 03:32 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.