ബിവറേജിനു മുന്നിൽ കൂട്ടത്തല്ല്, പിടിച്ചുമാറ്റാൻ ശ്രമിച്ച പോലീസുകാർക്കും മർദനം; 4 പേർ അറസ്റ്റിൽ

തിരുവനന്തപുരം: വട്ടപ്പാറ ബിവറേജിനു മുന്നിൽ മദ്യപസംഘങ്ങളുടെ തമ്മിൽത്തല്ല്. വിവരമറിഞ്ഞ് സ്ഥലത്തെത്തിയ പോലീസുകാരിൽ രണ്ടുപേർക്കും പരിക്കേറ്റു. വൈകീട്ടോടെ വട്ടപ്പാറ ബിവറേജിൽ മദ്യം വാങ്ങാൻ വന്നവരും മദ്യപിച്ചെത്തിയ സംഘവും തമ്മിലാണ് കൂട്ടത്തല്ലുണ്ടായത്. തലയ്ക്ക് പരിക്കേറ്റ ഒരാളെ കന്യാകുളങ്ങര സർക്കാർ ആശുപത്രിയിലെത്തിക്കുകയും തുടർന്ന് തിരുവനന്തപുരം മെഡിക്കൽ കോളേജിലേക്ക് മാറ്റുകയും ചെയ്തു. To advertise here, മദ്യപസംഘങ്ങളുടെ കൂട്ടത്തല്ലിനെത്തുടർന്ന് നാട്ടുകാർ വട്ടപ്പാറ പോലീസിൽ വിവരമറിയിക്കുകയും സ്ഥലത്തെത്തിയ പോലീസിനെ മദ്യപസംഘം ആക്രമിക്കുകയുമായിരുന്നു. കൂട്ടത്തല്ലിനെത്തുടർന്ന് പേരൂർക്കട വഴയില സ്വദേശികളായ നാലുപേരെ വട്ടപ്പാറ പോലീസ് കസ്റ്റഡിയിലെടുത്തു. കൂടുതൽ പോലീസെത്തിയാണ് മദ്യപസംഘത്തെ കസ്റ്റഡിയിലെടുത്തത്. സ്റ്റേഷനിലെത്തിച്ച ശേഷവും ഇവർ അസഭ്യവർഷം തുടർന്നുവെന്നാണ് പോലീസ് പറയുന്നത്. Content Highlights: Violent clash between two groups at Vattappara beverage outlet., Two police officers sustained injuries while intervening., Four individuals from Peroorkada-Vazhayila arrested., One injured person transferred to Thiruvananthapuram Medical College. Published: 04 Jun 2026, 10:01 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.