ബ്രേക്ക് നഷ്ടമായ വാൻ തിട്ടയിലിടിച്ച് മറിഞ്ഞു; അപകടത്തിൽപ്പെട്ടത് പുനലൂർ സ്വദേശികൾ

അടിമാലി : വേളാങ്കണ്ണിക്ക് പോയി മടങ്ങുകയായിരുന്ന പുനലൂർ സ്വദേശികളുടെ വാൻ രാജാക്കാട് പന്നിയാർകുട്ടിക്ക് സമീപം ബ്രേക്ക് നഷ്ടമായി തിട്ടയിലിടിച്ച് മറിഞ്ഞു. ആർക്കും സാരമായ പരിക്കില്ല. ബുധനാഴ്ച രാവിലെ അറരയോടെയാണ് അപകടം. വേളാങ്കണ്ണി സന്ദർശിച്ചശേഷം രാജാക്കാട് വഴി പുനലൂരിലേക്ക് പോവുകയായിരുന്നു സംഘം. രാജാക്കാട് കഴിഞ്ഞ് പന്നിയാർകുട്ടിക്ക് സമീപമുള്ള ഇറക്കം ഇറങ്ങുന്നതിനിടെ വാഹനത്തിന്റെ ബ്രേക്ക് നഷ്ടമായി. തുടർന്ന് ഡ്രൈവർ മൺതിട്ടയിൽ ഇടിച്ചുനിർത്താൻ ശ്രമിച്ചപ്പോൾ റോഡിലേക്ക് മറിയുകയായിരുന്നു. ഇറക്കം ഇറങ്ങിവരുമ്പോൾ ആയിരുന്നു അപകടം. ആഷ(29), അൻവിത(2) എന്നീ യാത്രക്കാർക്ക് സാരമല്ലാത്ത പരിക്കേറ്റു. ഇവരെ രാജാക്കാടുള്ള സ്വകാര്യ ആശുപത്രിയിൽ ചികിത്സ നൽകി വിട്ടയച്ചു. വാഹനത്തിൽ 16 പേർ ഉണ്ടായിരുന്നു. To advertise here, Published: 14 May 2026, 02:55 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.