പെരുവന്താനം : ചുഴുപ്പിൽ പ്രകൃതിയെ നശിപ്പിച്ച് കുത്തനെയുള്ള ചരിവിൽ വ്യാപകമായി മണ്ണെടുക്കുന്നു. To advertise here, ഓറഞ്ച് സോണിൽപ്പെട്ട പ്രദേശത്ത് മുൻകാലങ്ങളിൽ ഉരുൾപൊട്ടലും മണ്ണിടിച്ചിലും ഉണ്ടായിട്ടുണ്ട്. മഴക്കാലം ആരംഭിക്കാനിരിക്കെ ഇവിടെ വലിയതോതിൽ മണ്ണ് ഇടിച്ച് മാറ്റുന്നതാണ് പ്രദേശവാസികളെ ആശങ്കയിലാക്കുന്നത്. മണ്ണ് മാറ്റിയതിനെ തുടർന്ന് ദേശീയപാതയുടെ ഓട അടയുകയും കഴിഞ്ഞദിവസം പെയ്ത മഴയിൽ വെള്ളം റോഡിലൂടെ ഒഴുകുകയും ചെയ്തു. റോഡിന് അടിഭാഗത്ത് താമസിക്കുന്നവരുടെ വീടുകളിലൂടെയാണ് വെള്ളമൊഴുകിയത്. ഇതോടെ പ്രദേശവാസികൾ പ്രതിഷേധവുമായി എത്തുകയും ജില്ലാ കളക്ടർ, തഹസിൽദാർ, വില്ലേജ് ഓഫീസർ, പഞ്ചായത്ത് സെക്രട്ടറി എന്നിവർക്ക് പരാതി നൽകുകയും ചെയ്തു. ഒരേക്കറോളം ഭൂമിയിലെ മണ്ണും കല്ലും മാറ്റിയതായും ഇത് ദേശീയ പാതയ്ക്കും സ്കൂളിനും പ്രദേശവാസികൾക്കും ഭീഷണിയാണെന്നും പരാതിയിൽ പറയുന്നു. പഞ്ചായത്ത് നൽകിയ വാണിജ്യ അനുമതിയുടെ മറവിലാണ് വ്യാപക മണ്ണ് നീക്കം നടന്നിട്ടുള്ളത്. അപായ ഭീഷണി നിലനിൽക്കുന്ന സാഹചര്യത്തിൽ അടിയന്തര നടപടിയാണ് പ്രദേശവാസികൾ ആവശ്യപ്പെടുന്നത്. Published: 14 May 2026, 02:55 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.