ബെംഗളൂരു : യാത്രാക്ലേശം അതിരൂക്ഷമായതിനാൽ ബെംഗളൂരുവിൽ മലബാർ മേഖലയിലേക്ക് പുതിയ തീവണ്ടി അനുവദിക്കണമെന്ന് ആവശ്യപ്പെട്ട് കർണാടക-കേരള ട്രാവലേഴ്സ് ഫോറം (കെകെടിഎഫ്) കേന്ദ്രമന്ത്രി സുരേഷ് ഗോപിക്ക് നിവേദനംനൽകി. To advertise here, ഒരു പ്രതിദിന സൂപ്പർ ഫാസ്റ്റ് തീവണ്ടി അനുവദിക്കണമെന്നാണ് ആവശ്യം. നിലവിലുള്ള യശ്വന്ത്പുര-കണ്ണൂർ എക്സപ്രസിൽ (16527/16528) വൻതിരക്കാണ്. അതിനാൽ ഇതിൽ ടിക്കറ്റ് കിട്ടുക എളുപ്പമല്ല. റിസർവേഷൻ തുടങ്ങുന്ന ദിവസംതന്നെ ബെർത്തുറപ്പുള്ള ടിക്കറ്റുകൾ തീരുകയാണ് പതിവ്. ഹൊസൂർ വഴി കടന്നു പോകുന്ന ഒരു പ്രതിദിന തീവണ്ടികൂടി അനുവദിക്കണമെന്നാണ് കെകെടിഎഫ് ജനറൽ കൺവീനർ ആർ. മുരളീധർ നൽകിയ നിവേദനത്തിൽ ആവശ്യപ്പെടുന്നത്. യശ്വന്ത്പുര-കണ്ണൂർ എക്സ്പ്രസിന് ഒറ്റപ്പാലത്തിന് സ്റ്റോപ്പ് അനുവദിക്കണമെന്നും ആവശ്യപ്പെട്ടിട്ടുണ്ട്. ഒറ്റപ്പാലത്ത് സ്റ്റോപ്പ് അനുവദിച്ചാൽ ഗുരുവായൂർക്ഷേത്രത്തിൽ ദർശനത്തിനായി പോകുന്നവർക്കും ഉപകാരപ്പെടുമെന്നും ചൂണ്ടിക്കാട്ടി. മലബാർമേഖലയിൽനിന്നുള്ള വലിയൊരുവിഭാഗം ആളുകൾ ബെംഗളൂരുവിൽ താമസിക്കുന്നുണ്ട്. ബസ് സർവീസുകൾ സജീവമാണെങ്കിലും ചെറുകിട കച്ചവടക്കാർ അടക്കം ഒട്ടേറ സാധാരണക്കാർ ആശ്രയിക്കുന്നത് തീവണ്ടിയെയാണ്. നിലവിലുള്ള കണ്ണൂർ എക്സ്പ്രസ് സർവീസ് ആരംഭിച്ചത് 25 വർഷം മുൻപായിരുന്നു. ഇതിനുശേഷം ഇതുവരെ മലബാർ മേഖലയിലേക്ക് പുതിയ പ്രതിദിന തീവണ്ടി അനുവദിച്ചിട്ടില്ല. മലബാറിലേക്ക് ഒരു തീവണ്ടി കൂടിയെങ്കിലും വേണമെന്ന് വർഷങ്ങളായി ആവശ്യപ്പെടുന്നുണ്ടെങ്കിലും പ്രതിവാര തീവണ്ടിയും വല്ലപ്പോഴും പ്രഖ്യാപിക്കുന്ന പ്രത്യേക സർവീസുകളിലും മാത്രമായി റെയിൽവേയുടെ നടപടി ഒതുങ്ങുകയായിരുന്നു. Published: 06 Jan 2026, 12:30 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.