മെറ്റയുടെ ഏറ്റെടുക്കലിൽ ആശങ്ക: AI സ്റ്റാർട്ടപ്പ് സ്ഥാപകർ രാജ്യംവിടുന്നത് തടഞ്ഞ് ചൈന

ടെക്‌നോളജി ഡെസ്‌ക് Last Updated: 25 March 2026, 05:58 PM IST മെറ്റയുടെ Manus ഇടപാട് ഒരു പ്രധാന യുഎസ് ടെക് കമ്പനി ഒരു ഏഷ്യന്‍ AI സ്റ്റാര്‍ട്ടപ്പിനെ ഏറ്റെടുത്ത അപൂര്‍വ സംഭവമായി കണക്കാക്കപ്പെട്ടിരുന്നു. 1. മെറ്റ സിഇഒ മാര്‍ക്ക് സക്കര്‍ബെര്‍ഗ് 2. പ്രതീകാത്മകചിത്രം | Photo - AP, AI എഐ (നിർമിതബുദ്ധി) രംഗത്ത് കടുത്ത മത്സരമാണ് അമേരിക്കയ്ക്കും ചൈനയ്ക്കും ഇടയിലുള്ളത്. സാങ്കേതികവിദ്യയുമായി ബന്ധപ്പെട്ട ഓരോ തീരുമാനങ്ങൾ എടുക്കുമ്പോഴും എഐയിൽ ചൈന മുന്നിലെത്തുന്നത് തടയുക എന്ന ലക്ഷ്യംകൂടി അമേരിക്ക പരിഗണിക്കാറുണ്ട്. എഐയിൽ അമേരിക്ക തങ്ങളെ പിന്നിലാക്കി മുന്നേറുമോ എന്ന ആശങ്ക ചൈനയ്ക്കുമുണ്ട്. അതിനിടെയാണ് എഐ സ്റ്റാർട്ടപ്പ് സഹസ്ഥാപകരായ രണ്ടുപേർ രാജ്യംവിടുന്നത് ചൈന വിലക്കിയെന്ന വാർത്ത പുറത്തുവരുന്നത്. To advertise here, Manus AI സഹസ്ഥാപകരായ ഷിയാവോ ഹോംഗ്, ജി യീച്ചാവോ എന്നിവരെയാണ് രാജ്യംവിടാൻ അനുവദിക്കാതെ ചൈന തടഞ്ഞുവെച്ചിരിക്കുന്നത്. ഈ മാസം ആദ്യം നാഷണൽ ഡെവലപ്മെന്റ് ആൻഡ് റിഫോം കമ്മീഷന്റെ നേതൃത്വത്തിൽ ബെയ്ജിങ്ങിൽ നടന്ന ഒരു യോഗത്തിൽ പങ്കെടുക്കാൻ ഇരുവരെയും ക്ഷണിച്ചിരുന്നു. പിന്നീട് ഇരുവരും രാജ്യംവിടുന്നത് തടഞ്ഞു. മെറ്റയുടെ 2 ബില്യൺ (200 കോടി) ഡോളറിന്റെ Manus AI ഏറ്റെടുക്കലുമായി ബന്ധപ്പെട്ട അന്വേഷണം നടക്കുന്നതിനിടെയാണ് നീക്കം.  നിർമ്മിതബുദ്ധി പോലുള്ള സുപ്രധാന മേഖലകളിൽ അത്യാധുനിക സാങ്കേതികവിദ്യ വിദേശ സ്ഥാപനങ്ങളുമായി പങ്കുവെക്കുന്നതിലുള്ള ചൈനയുടെ വർധിച്ചുവരുന്ന ആശങ്കയാണ് ഈ സാഹചര്യം വെളിവാക്കുന്നത് എന്ന് മാധ്യമങ്ങൾ റിപ്പോർട്ടു ചെയ്യുന്നു. ഇരുവർക്കുമെതിരെ ഇതുവരെ കേസൊന്നും ഫയൽ ചെയ്തിട്ടില്ല. അന്വേഷണം തുടരുകയാണ്. Manus-നെ മെറ്റ ഏറ്റെടുക്കുന്നത് ചൈനീസ് അധികാരികൾ സസൂക്ഷ്മം നിരീക്ഷിച്ചിരുന്നു. 2025 ഡിസംബറിൽ വെളിപ്പെടുത്തിയ ഉടമ്പടി ഏതെങ്കിലും തരത്തിലുള്ള ദേശീയ സുരക്ഷാ ആശങ്ക ഉയർത്തുന്നുണ്ടോ എന്നും സാങ്കേതികവിദ്യ കൈമാറ്റം, വിദേശ നിക്ഷേപം എന്നിവ സംബന്ധിച്ച പ്രാദേശിക ചട്ടങ്ങൾ പാലിക്കുന്നുണ്ടോ എന്നും വിലയിരുത്തുന്നതിനാണ് നിലവിലുള്ള അന്വേഷണം. നിർമ്മിതബുദ്ധിയുടെ രംഗത്ത് വളരെ വേഗത്തിൽ ആഗോള ശ്രദ്ധ നേടിയ Mansu ചൈനീസ് സ്റ്റാർട്ടപ്പുകൾക്കിടയിൽ ഒരു വിജയഗാഥയായി കണക്കാക്കപ്പെട്ടിരുന്നു. സ്റ്റാർട്ടപ്പിന്റെ അതിവേഗ വളർച്ചയും മെറ്റയുടെ ഏറ്റെടുക്കലും രാജ്യത്തെ മറ്റ് എഐ സംരംഭകർക്ക് പ്രചോദനമായി മാറി. മെറ്റയുടെ Manus ഇടപാട് ഒരു പ്രധാന യുഎസ് ടെക് കമ്പനി ഒരു ഏഷ്യൻ AI സ്റ്റാർട്ടപ്പിനെ ഏറ്റെടുത്ത അപൂർവ സംഭവമായി കണക്കാക്കപ്പെട്ടിരുന്നു. 2014-ൽ WhatsApp 19 ബില്യൺ ഡോളറിന് വാങ്ങിയതിനും 2025-ന്റെ തുടക്കത്തിൽ Scale AI-15 ബില്യൺ ഡോളർ ചെലവഴിച്ച് വാങ്ങിയതിനും ശേഷമുള്ള മെറ്റയുടെ ഏറ്റവും വലിയ ഏറ്റെടുക്കലിൽ രണ്ടാമത്തേത് ആയിരുന്നു അത്. Content Highlights: Meta's $2 billion acquisition of Manus AI is under regulatory scrutiny in China., Founders Xiao Hong and Ji Yichao are barred from leaving China during the probe., Authorities are reviewing national security and foreign investment compliance., The case highlights China's sensitivity regarding the export of cutting-edge AI technology. Published: 25 Mar 2026, 05:58 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.