യുദ്ധത്തിനിടെ യുഎഇയിൽ 'രഹസ്യ സന്ദർശനം' നടത്തിയതായി നെതന്യാഹു; കണക്ക് പറയിപ്പിക്കുമെന്ന് ഇറാൻ

ടെൽ അവീവ്: ഇറാനുമായുള്ള യുദ്ധത്തിനിടെ ഇസ്രായേലി പ്രധാനമന്ത്രി ബെഞ്ചമിൻ നെതന്യാഹു രാജ്യം സന്ദർശിച്ചതായുള്ള അവകാശവാദം തള്ളി യുഎഇ. To advertise here, നെതന്യാഹുവിന്റെ ഓഫീസാണ് യുഎഇ സന്ദർശിച്ച കാര്യം എക്‌സിലൂടെ അറിയിച്ചത്. എന്നാൽ ഇസ്രായേൽ പ്രധാനമന്ത്രിയുടെ സന്ദർശനത്തെക്കുറിച്ചോ ഇസ്രായേലി സൈനിക പ്രതിനിധിയെ സ്വീകരിച്ചതിനെക്കുറിച്ചോ ഉള്ള റിപ്പോർട്ടുകൾ നിഷേധിക്കുന്നതായി യുഎഇ വിദേശകാര്യ മന്ത്രാലയം പ്രസ്താവനയിൽ അറിയിച്ചു നെതന്യാഹു യുഎഇ സന്ദർശിക്കുകയും പ്രസിഡന്റ് ഷെയ്ഖ് മുഹമ്മദ് ബിൻ സായിദുമായി കൂടിക്കാഴ്ച നടത്തുകയും ചെയ്തതായാണ് ഇസ്രയേലി പ്രധാനമന്ത്രിയുടെ ഓഫീസ് അറിയിച്ചിരുന്നത്. ഇസ്രായേലും യുഎഇയും തമ്മിലുള്ള ബന്ധത്തിൽ ചരിത്രപരമായ ഒരു വഴിത്തിരിവാണ് ഈ സന്ദർശനം സൃഷ്ടിച്ചതെന്നും നെതന്യാഹുവിന്റെ ഓഫീസ് പ്രസ്താവനയിൽ കൂട്ടിച്ചേർത്തിരുന്നു. നെതന്യാഹുവിന്റെ ഓഫീസിന്റെ വെളിപ്പെടുത്തലിന് പിന്നാലെ കണക്കുപറയിപ്പിക്കുമെന്ന മുന്നറിയിപ്പുമായി ഇറാൻ രംഗത്തെത്തി. ഇറാനിയൻ സുരക്ഷാ വിഭാഗങ്ങൾ നേരത്തെ കൈമാറിയ കാര്യങ്ങളാണ് നെതന്യാഹു ഇപ്പോൾ പരസ്യമായി വെളിപ്പെടുത്തിയിരിക്കുന്നതെന്ന് ഇറാൻ വിദേശകാര്യ മന്ത്രി അബ്ബാസ് അരാഗ്ചി എക്സിൽ കുറിച്ചു. ഇസ്രയേലുമായി കൂട്ടുനിൽക്കുന്ന വിഡ്ഡിത്തപരവും പൊറുക്കാനാവാത്തതാണെന്നും അദ്ദേഹം പറഞ്ഞു. 'ഭിന്നത വിതയ്ക്കാൻ ഇസ്രായേലുമായി കൂട്ടുനിൽക്കുന്നവരെ കണക്കുപറയിപ്പിക്കും' എന്നും അരാഗ്ചി എക്സിൽ കുറിച്ചു. Content Highlights: Benjamin Netanyahu UAE visit, UAE denies Netanyahu visit, Israel Iran conflict 2026, Sheikh Mohamed bin Zayed, Middle East geopolitical tensions Published: 14 May 2026, 02:14 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.