മൂവാറ്റുപുഴ : മൂവാറ്റുപുഴ കച്ചേരിത്താഴം പഴയ പാലത്തിൽ മഞ്ഞൾപ്പൊടിച്ചാക്ക് വീണ് പൊട്ടി. പാലത്തിന് നിറം കൊടുത്തതുപോലെ മഞ്ഞൾപ്പൊടി തൂവി. ഇത് കാറ്റിൽ പറന്നതോടെ മറ്റ് വാഹനങ്ങളിൽ എത്തിയവരും കാൽനട യാത്രക്കാരും ബുദ്ധിമുട്ടിലായി. വെള്ളിയാഴ്ച ഉച്ചയ്ക്ക് രണ്ടരയോടെയാണ് സംഭവം. കോലഞ്ചേരിയിൽനിന്നും മാറാടിയിലേക്ക് പോയ ലോറിയിൽനിന്നാണ് മഞ്ഞൾപ്പൊടി നിറച്ച ചാക്കുകെട്ട് റോഡിൽ വീണത്. മഞ്ഞൾപ്പൊടി കാറ്റിൽ പറന്ന് വാഹന യാത്രക്കാർക്ക് ബുദ്ധിമുട്ടുണ്ടാവുകയും ചെയ്തു. ഓഫീസർ ജയൻ മാത്യുവിന്റെ നേതൃത്വത്തിൽ മൂവാറ്റുപുഴ അഗ്നിരക്ഷാസേന സ്ഥലത്തെത്തി റോഡ് വൃത്തിയാക്കി. To advertise here, Published: 13 Jun 2026, 03:05 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.