വട്ടപ്പാറ : വട്ടപ്പാറ ജങ്ഷനിൽ വലിയ തണൽമരം കരിഞ്ഞുണങ്ങി ഏതുനിമിഷവും നിലംപതിക്കാവുന്ന അവസ്ഥയിൽ. എം.സി. റോഡിൽ നെടുമങ്ങാട് റോഡ് വന്നുചേരുന്ന വട്ടപ്പാറ ജങ്ഷന്റെ ഒത്ത നടുവിലായാണ് മരം കരിഞ്ഞുണങ്ങി നിൽക്കുന്നത്. റോഡിലേക്കു ചാഞ്ഞ അവസ്ഥയിലാണുള്ളത്. To advertise here, ദിവസേന നിരവധി വാഹനങ്ങൾ കടന്നുപോകുന്ന ജങ്ഷനാണിത്. ഇതിനു സമീപത്തായാണ് ബസ് സ്റ്റോപ്പ്, പോലീസ് സ്റ്റേഷൻ എന്നിവയുള്ളത്. നാട്ടുകാർ പഞ്ചായത്തിൽ പരാതിപ്പെട്ടിട്ടും ഇതുവരെയും നടപടികൾ സ്വീകരിച്ചിട്ടില്ല. ഉന്നത ഉദ്യോഗസ്ഥരിൽനിന്ന് അനുമതി ലഭിച്ചാൽ മാത്രമേ വലിയ മരങ്ങൾ മുറിച്ചുനീക്കാൻ കഴിയുകയുള്ളൂവെന്നാണ് അധികൃതർ പറയുന്നത്. റോഡിലേക്ക് ചാഞ്ഞുനിൽക്കുന്ന മരത്തിന്റെ താഴെ അറ്റംവരെയും ദ്രവിച്ച അവസ്ഥയിലാണ്. താഴ്ഭാഗത്തായി പൊട്ടലുമുണ്ട്. കഴിഞ്ഞദിവസം മരത്തിന്റെ ശിഖരം റോഡിൽ വീണിരുന്നു. രാത്രി വാഹനങ്ങളില്ലാത്ത സമയത്തായതിനാലാണ് അപകടം ഒഴിവായതെന്ന് നാട്ടുകാർ പറയുന്നു. സമീപത്തായിതന്നെ കേടുവന്ന ഇലവുമരവും നിൽപ്പുണ്ട്. എത്രയും പെട്ടെന്ന് മരങ്ങൾ മുറിച്ചുമാറ്റണമെന്നാണ് നാട്ടുകാരുടെ ആവശ്യം. Published: 14 May 2026, 01:43 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.