വാണിമേൽ : അപകടഭീഷണി ഉയർന്ന കല്ലാച്ചി വാണിമേൽ റൂട്ടിലെ വയൽപ്പീടിക പാലത്തിന്റെ അറ്റകുറ്റപ്പണി തുടങ്ങി. 15 ലക്ഷം രൂപ ചെലവിലാണ് പാലത്തിന്റെ അറ്റകുറ്റപ്പണി നടത്തുന്നത്. അതിന്റെ ഭാഗമായി തോട്ടിലെ മണ്ണെടുക്കുന്ന പ്രവൃത്തി ആരംഭിച്ചു. പാലത്തിനടുത്തെ ബസ് കാത്തിരിപ്പുകേന്ദ്രത്തോട് ചേർന്നുള്ള ഭാഗത്താണ് വശത്തെ ഭിത്തിനിർമിക്കുന്നത്. To advertise here, രണ്ടുഭാഗത്തുമായി 53 മീറ്റർ നീളത്തിലാണ് സൈഡ് ഭിത്തി നിർമിക്കുന്നത്. പാലത്തിന്റെ അടിഭാഗത്തെ കോൺക്രീറ്റ് ഭാഗങ്ങൾ അടർന്നുവീണ നിലയിലാണ്. ചിലസ്ഥലത്ത് കമ്പികൾ പുറത്തേക്ക് ചാടിയിട്ടുണ്ട്. പാലത്തിന്റെ സുരക്ഷ ഉറപ്പാക്കുന്നനിലയിലാണ് അറ്റകുറ്റപ്പണി നടത്തുന്നത്. സൈഡ് ഭിത്തി നിർമിച്ചതിനുശേഷം പാലം പെയിന്റടിക്കുകയുംചെയ്യും. താമരശ്ശേരി കേന്ദ്രമായിട്ടുളള വ്യക്തിയാണ് കരാർ ഏറ്റെടുത്തത്. പാലം ഏറെ അപകടകരമായ നിലയിലാണെന്ന് നേരത്തേ 'മാതൃഭൂമി' റിപ്പോർട്ട് ചെയ്തിരുന്നു. അതേത്തുടർന്ന് ഉദ്യോഗസ്ഥർ സ്ഥലം സന്ദർശിക്കുകയും പാലത്തിന്റെ അപകടാവസ്ഥ ബോധ്യപ്പെടുകയും ചെയ്തിരുന്നു. തുടർന്നാണ് പാലത്തിന് ഫണ്ട് അനുവദിച്ചത്. Published: 14 May 2026, 03:54 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.