വാണിയംകുളം : തെരുവുനായ വന്ധ്യംകരണത്തിനുള്ള എ.ബി.സി. കേന്ദ്രത്തിന്റെ കെട്ടിടനിർമാണത്തിന് വാണിയംകുളം പഞ്ചായത്തിൽ തുടക്കമായി. പഞ്ചായത്ത് മൃഗാശുപത്രിയുടെ സ്ഥലത്താണ് എ.ബി.സി. കേന്ദ്രം നിർമിക്കുന്നത്. വിവിധ തദ്ദേശസ്ഥാപനങ്ങൾ ചേർന്ന് അനുവദിച്ച 34.11 ലക്ഷംരൂപ വിനിയോഗിച്ചാണ് കെട്ടിടം നിർമിക്കുന്നത്. ഓപ്പറേഷൻ തിയേറ്റർ, ഐ.സി.യു., ഡോക്ടർക്കുള്ള മുറി, നായകളെ പാർപ്പിക്കുന്നതിനുള്ള സംവിധാനം, അടുക്കള തുടങ്ങിയവയാണ് കെട്ടിടത്തിലുള്ളത്. ഒറ്റപ്പാലം വെറ്ററിനറി ക്ലിനിക്കിലെ അസൗകര്യം കാരണമാണ് കേന്ദ്രം വാണിയംകുളത്തേക്ക് മാറ്റുന്നത്. To advertise here, ഒറ്റപ്പാലം ബ്ലോക്ക് പഞ്ചായത്തിന്റെ നേതൃത്വത്തിലാണ് പദ്ധതി നടപ്പാക്കുന്നത്. ജില്ലാപഞ്ചായത്ത് പത്തുലക്ഷവും ബ്ലോക്ക് പഞ്ചായത്ത് 8.11 ലക്ഷവും എട്ട് ഗ്രാമപ്പഞ്ചായത്തുകൾ രണ്ടുലക്ഷം രൂപവീതവും വകയിരുത്തിയിട്ടുണ്ട്. നിലവിൽ ഒറ്റപ്പാലം, പട്ടാമ്പി താലൂക്കുകളിലെ തെരുവുനായകളെ വന്ധ്യംകരിക്കുന്നത് ഒറ്റപ്പാലം ക്ലിനിക്കിലാണ്. നാല് നഗരസഭകളടക്കം 32 തദ്ദേശസ്വയംഭരണസ്ഥാപനങ്ങളാണ് ഒറ്റപ്പാലത്തിന്റെ പ്രവർത്തനപരിധിയിൽ വരുന്നത്. മറ്റു വളർത്തുമൃഗങ്ങൾക്ക് ശസ്ത്രക്രിയ ചെയ്യുന്ന അതേ മുറിതന്നെയാണ് തെരുവുനായകൾക്കുവേണ്ടിയും ഉപയോഗിക്കുന്നത്. വളർത്തുമൃഗങ്ങളുടെ തിരക്ക് വരുന്നതോടെ പ്രവർത്തനങ്ങൾക്ക് ബുദ്ധിമുട്ടാണ്. മാത്രമല്ല, പിടിച്ചുകൊണ്ടുവരുന്ന നായകളെ ശസ്ത്രക്രിയക്കുശേഷം പാർപ്പിക്കുന്നതിനാവശ്യമായ സൗകര്യം ഒറ്റപ്പാലത്തില്ല. Published: 14 May 2026, 03:29 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.