വിജയരാഘവൻ നിരക്ഷരകുക്ഷി, മുഖ്യമന്ത്രിക്ക് സ്ഥലജലഭ്രമം, അങ്ങനെ വിളിക്കാൻ എന്തവകാശം-ജി.സുധാകരൻ

ആലപ്പുഴ: ചെറ്റത്തരം പരാമർശത്തിൽ മുഖ്യമന്ത്രി പിണറായി വിജയനെതിരേ അതിരൂക്ഷ വിമർശനവുമായി അമ്പലപ്പുഴയിലെ യുഡിഎഫ് സ്വതന്ത്രസ്ഥാനാർഥിയും സിപിഎം മുൻനേതാവുമായ ജി. സുധാകരൻ. മാതൃഭൂമി ന്യൂസ് ഇലക്ഷൻ ബസ് പരിപാടിയിൽ പങ്കെടുക്കവേ  ആയിരുന്നു സുധാകരന്റെ പ്രതികരണം.   To advertise here, ‘കേരളത്തിന്റെ ചരിത്രത്തിൽ സുവർണലിപികളിൽ രേഖപ്പെടുത്താൻ പോകുന്ന തികഞ്ഞ രാഷ്ട്രീയ പോരാട്ടമാണ് അമ്പലപ്പുഴയിലേത്.. കാരണം ഒരു കാര്യവുമില്ലാതെ എന്നെ ചെറ്റേ എന്നുവരെ മുഖ്യമന്ത്രി വിളിക്കുകയാണ്. ഞാൻ മുഖ്യമന്ത്രിയെ ഒന്നും പറഞ്ഞില്ല. ആക്ഷേപിച്ചൊന്നും പറഞ്ഞില്ല. സിപിഎമ്മിലെ ഒരാളെയും ആക്ഷേപിച്ച് ഒന്നും പറഞ്ഞില്ല. സിപിഎമ്മിനെ പോലും ആക്ഷേപിച്ചില്ല. ഒരു രാഷ്ട്രീയപാർട്ടിയേയും ആക്ഷേപിച്ചില്ല. എന്നിട്ടും അരിശം തീരാതെ കേരളത്തിന്റെ മുഖ്യമന്ത്രി ചെറ്റേ എന്ന് വിളിക്കുകയാണ്. അതിനുള്ള മറുപടി താൻ നൽകിക്കഴിഞ്ഞു, സുധാകരൻ പറഞ്ഞു. അങ്ങനൊരു പദപ്രയോഗം നടത്താൻ മുഖ്യമന്ത്രിക്ക് എന്താണ് അധികാരം എന്നും സുധാകരൻ ആരാഞ്ഞു. ‘എന്ത് അവകാശം. അദ്ദേഹത്തെ ആര് ചുമതലപ്പെടുത്തി. പൊളിറ്റ് ബ്യൂറോ ചുമതലപ്പെടുത്തിയോ. അദ്ദേഹം പൊളിറ്റ് ബ്യൂറോയോട് ചോദിച്ചോ. ബേബി അങ്ങനെ പറഞ്ഞില്ലല്ലോ. എം.വി. ഗോവിന്ദൻ പോലും അങ്ങനെ പറഞ്ഞില്ല. പിണറായിയുമായി നല്ല ബന്ധമായിരുന്നു. പത്തുമുപ്പതുകൊല്ലത്തെ ബന്ധമല്ലേ. അതുകൊണ്ട് അദ്ദേഹത്തിന് ഗുണമുണ്ടായി. എല്ലാ പ്രതിസന്ധിയിലും ഞാൻ ഉറച്ചുനിന്നു. ജനങ്ങളെ അറിയിക്കേണ്ടത് പത്ര സമ്മേളനം നടത്തി വിളിച്ചു പറഞ്ഞു. അദ്ദേഹത്തിന് സ്ഥലജലഭ്രമം സംഭവിച്ചിരിക്കുകയാണ്. ഇവിടെ എന്താണ് നടക്കുന്നത് എന്ന് അദ്ദേഹത്തിനറിയില്ല. താഴെയുള്ള ജനങ്ങളുമായി യാതൊരു ബന്ധവുമില്ല. ആളുകളെ തെറ്റായ ഭാഷയിൽ അഭിസംബോധന ചെയ്യുകയാണ്. എന്റെ അച്ഛനും അമ്മയും ഇട്ട പേരല്ല ചെറ്റ എന്ന്. സുധാകരൻ എന്നാണ് ഇട്ടത്. എന്റെ അച്ഛനും അമ്മയും ഇട്ട പേര് മാറ്റാൻ കേരള മുഖ്യമന്ത്രിക്ക് എന്താണ് അവകാശം. അദ്ദേഹം ആ കസേരയിലിരിക്കുന്നത് അച്ഛനമ്മാർ പൗരന്മാർക്കിട്ട പേര് മാറ്റാനാണോ. ഇതൊരു ഭരണഘടനാ പ്രശ്‌നമാണ്. മുഖ്യമന്ത്രി സംസാരിക്കുന്നത് ഭരണഘടനാവിരുദ്ധമായിട്ടാണ്. ഞാൻ കേസിനൊന്നും പോകുന്നില്ല. അതീവഗുരുതരമായ തെറ്റുകളാണ് ചെയ്തുകൊണ്ടിരിക്കുന്നത്, സുധാകരൻ പറഞ്ഞു. തമിഴ്‌നാട്ടിലും ബംഗാളിലും ഒറ്റമുന്നണിയല്ലേ. കോൺഗ്രസുമായി ചേർന്നല്ലേ മത്സരിച്ചത്. തോമസ് ഐസക്കും വിജയരാഘവനും തമിഴ്‌നാട്ടിൽ പോയി പ്രസംഗിച്ചില്ലേ. ഞാൻ സ്വതന്ത്രനായി. എന്റെ തലയിൽ ബാധ്യതകളുടെ ഭാരമില്ല. ഞാൻ മാർക്‌സിസത്തെ തള്ളിപ്പറഞ്ഞിട്ടില്ല. കമ്യൂണിസ്റ്റ് മാനിഫെസ്റ്റോ ഒരു മാസം മൂന്ന് തവണ എങ്കിലും വായിക്കുന്നയാളാണ് ഞാൻ. വർഗവഞ്ചകരെ വിമർശിക്കുമ്പോൾ ഭാഷാശുദ്ധി നേനോക്കേണ്ടതില്ല എന്ന എ. വിജയരാഘവന്റെ പരാമർശത്തിനും സുധാകരൻ മറുപടി നൽകി. അയാൾ (വിജയരാഘവൻ) പൊളിറ്റ് ബ്യൂറോയിലിരിക്കാൻ യാതൊരു യോഗ്യതയുമുള്ള മനുഷ്യനല്ല. അയാൾ പാർട്ടികളിൽ തന്നെ മെമ്പറാകാൻ യോഗ്യതയില്ലാത്ത ആളാണ്. അങ്ങനൊരു വിഡ്ഢിക്ക് മാത്രമേ ഇങ്ങനെ സംസാരിക്കാൻ കഴിയൂ. വർഗവഞ്ചകർ എന്ന് പറഞ്ഞാൽ ആരാണ്, ഈ നാട്ടിലെ സാധാരണക്കാരോ. ഏതാണ് ഈ വർഗം, പൊളിറ്റിക്കൽ ക്രിമിനൽ വർഗത്തെയാണ് വിജയരാഘവൻ പ്രതിനിധീകരിക്കുന്നത്. അവരോടാണ് ഇന്നലെ സംസാരിച്ചത്.. നിരക്ഷരകുക്ഷിയാണ് വിജയരാഘവൻ-സുധാകരൻ പരിഹസിച്ചു ആലപ്പുഴ ജില്ലാ നേതൃത്വത്തിലെ ഭൂരിപക്ഷവും എല്ലാവരുമല്ല, പൊളിറ്റിക്കൽ ക്രമിനൽസാണ്. അവരാണ് ഈ വൃത്തികേടുകൾ കാണിക്കുന്നത്. ഞാൻ പാർട്ടിയിൽ ഇരിക്കുമ്പോൾ തന്നെ എന്റെ അച്ഛന് പറഞ്ഞു. ലോക്കൽ കമ്മിറ്റി അംഗത്തെക്കൊണ്ട് പറയിച്ചു. തെറ്റാണെന്ന് ഈ വിജയരാഘവൻ പറഞ്ഞോ. മുഖ്യമന്ത്രി പറഞ്ഞോ. നടപടി എടുക്കാൻ പറഞ്ഞോ. നാസർ എന്താണ് പറഞ്ഞത്, ഫോണിൽകൂടി താക്കീത് ചെയ്‌തെന്ന്. ഇത്തരത്തിലുള്ള വൃത്തികെട്ട പ്രസ്ഥാനമായി മാറി ആലപ്പുഴയിൽ സിപിഎം. ഇതല്ല, ഞങ്ങൾ ചേരുമ്പോഴുള്ള പ്രസ്ഥാനമെന്നും സുധാകരൻ പറഞ്ഞു. Content Highlights: G. Sudhakaran criticizes CM Pinarayi Vijayan for using derogatory language., Sudhakaran terms the CM's remark a constitutional violation., Strong verbal attack against A. Vijayaraghavan's eligibility for the Politburo., Allegations of political criminality within the Alappuzha CPM leadership. Published: 23 Mar 2026, 11:15 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.