അരൂർ : അരൂർ വില്ലേജോഫീസിൽ രണ്ട് മാസത്തോളമായി താഴ്ന്നുകിടക്കുന്ന കേബിൾക്കൂട്ടം കഴുത്തിൽ കുരുങ്ങുമോയെന്നുള്ള ആശങ്കയിലാണ് പൊതുജനം. To advertise here, കഴിഞ്ഞ ദിവസം ഇവിടെ എത്തിയ അരൂർ പീടികക്കളത്തിൽ ബാലൻ കേബിൾ കഴുത്തിൽ കുരുങ്ങി താഴെ വീഴേണ്ടതായിരുന്നു. നിലവിലെ വില്ലേജോഫീസിന്റെ സ്ഥിതിതന്നെ ഏറെ പരിതാപകരമാണ്. അതിനിടയിലാണ് ഇവിടേക്കെത്തുന്നവരെ കുരുക്കിലാക്കുന്ന കേബിളുകൾ ഉയർത്തിക്കെട്ടാതെ ഇത് സ്ഥാപിച്ചവർ പൊതുജനങ്ങളെ വെല്ലുവിളിക്കുന്നത്. ഉയരപ്പാത നിർമാണം ആരംഭിച്ചത് മുതൽ അരൂർ വില്ലേജോഫീസിന്റെ ദുരിതം തുടങ്ങിയതാണ്. നിന്നുതിരിയാൻ പോലും സൗകര്യമില്ലാത്ത കെട്ടിടം ദേശീയപാതയോട് തൊട്ടുചേർന്നാണുള്ളത്. അതിനാൽ ചെളി വെള്ളവും പൊടിയുമെല്ലാം അകത്തുകയറും. വാതിലിന് മുന്നിൽ പ്ലാസ്റ്റിക് ഷീറ്റ് കെട്ടിയും ജനാലകൾ തുറക്കാതെയുമാണ് ജീവനക്കാർ ഇതിനെ പ്രതിരോധിച്ചത്. അടുത്തിടെയാണ് ഇവിടെ കാന പണിതത്. അതിനായി കുഴിയെടുക്കവേ യന്ത്രക്കൈ തട്ടിയാണ് ഉയർത്തിക്കെട്ടിയിരുന്ന കേബിളുകൾ അഴിഞ്ഞുതാഴ്ന്നത്. നിലവിൽ കാനയുടെ മുകളിൽനിന്ന് വളരെ താഴ്ന്നാണ് വില്ലേജിലേക്കുള്ള വഴി. അതിനാൽ താഴെ നോക്കാതെ കയറുവാനും ഇറങ്ങുവാനും കഴിയില്ല. ഈ സമയത്താണ് താഴ്ന്നു കിടക്കുന്ന കേബിൾ കഴുത്തിൽ കുരുങ്ങുക. 25-ന് മേൽ കേബിളുകൾ ഇത്തരത്തിൽ താഴ്ന്നുകിടക്കുന്നു. ഇവ ഉയർത്തിക്കെട്ടിക്കാൻ അധികൃതർ അടിയന്തര നടപടി സ്വീകരിക്കണമെന്നാണ് വില്ലേജിലേക്കെത്തുന്നവർ ആവശ്യപ്പെടുന്നത്. Published: 14 May 2026, 03:09 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.