പുത്തൂർ : ചൊവ്വാഴ്ച വൈകീട്ട് മഴയോടൊപ്പം വീശിയടിച്ച കാറ്റിൽ ചെറുപൊയ്കയിൽ വ്യാപക കൃഷിനാശം. വാഴക്കൃഷിക്കാണ് വലിയ നാശം സംഭവിച്ചത്. രണ്ടായിരത്തോളം വാഴകൾ ഒടിഞ്ഞുവീണ് നശിച്ചതായി കണക്കാക്കപ്പെടുന്നു. ചെറുപൊയ്ക ദേവകിസദനിൽ രഘുനാഥൻപിള്ളയുടെ 550-നുമുകളിൽ കുലച്ച വാഴകളാണ് ഒരുദിവസം കൊണ്ട് ഒടിഞ്ഞുവീണത്. 300-നുമുകളിൽ കുലയ്ക്കാത്ത വാഴകളും നശിച്ചവയിൽപ്പെടുന്നു. ശരവണ ശശിധരൻപിള്ളയുടെ പുരയിടത്തിലെ 350-നുമുകളിൽ കുലച്ചവാഴകളും 300-ഓളം കുലയ്ക്കാത്ത വാഴകളും നശിച്ചു. ചാത്തനല്ലൂർ രാധാകൃഷ്ണപിള്ളയുടെ 100-നുമുകളിൽ കുലച്ച വാഴകളും 200-നുമുകളിൽ കുലയ്ക്കാത്ത വാഴകളും ഒടിഞ്ഞുമറിഞ്ഞു. ഇതുകൂടാതെ പ്രദേശത്തെ മറ്റു കർഷകരുടെയും ചെറുതും വലുതുമായ വാഴത്തോട്ടങ്ങളിൽ വ്യാപക നാശമാണ് സംഭവിച്ചിരിക്കുന്നത്. To advertise here, Published: 14 May 2026, 01:53 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.