സൂറത്ത് : മലയാളി നഴ്സിങ് ഗ്രൂപ്പിന്റെ ആഭിമുഖ്യത്തിൽ നഴ്സിങ് ദിനം വിവിധ പരിപാടികളോടെ സൂറത്തിലെ നാൻപുരയിൽ ആഘോഷിച്ചു. To advertise here, വിശിഷ്ടാതിഥികളായ ഫെഗ്മ ജനറൽ സെക്രട്ടറി സുനിൽ നമ്പ്യാർ, കേരള സമാജം സൂറത്തിന്റെ മുൻ പ്രസിഡന്റ് സജി വർഗീസ് എന്നിവരും, മുതിർന്ന നഴ്സുമാരും ചേർന്ന് നിലവിളക്ക് കൊളുത്തി ഉദ്ഘാടനം ചെയ്തു. തുടർന്ന് നഴ്സിങ്ങിന്റെ മഹത്ത്വവും പ്രതിജ്ഞാബദ്ധതയും ഉയർത്തിപ്പിടിക്കുമെന്ന് പ്രതിജ്ഞയെടുത്തു. സുനിൽ നമ്പ്യാർ, സജി വർഗീസ് എന്നിവരെ ജീവകാരുണ്യ പ്രവർത്തന രംഗത്ത് നൽകുന്ന സേവനങ്ങളുടെയും മലയാളി നഴ്സിങ് സമൂഹത്തിന് നൽകിയ മികച്ച പിന്തുണയുടെയും പേരിൽ ആദരിച്ചു. നീണ്ട കാലത്തെ നഴ്സിങ് സേവനത്തിന് ശേഷം വിരമിച്ച വാസന്തി രാമകൃഷ്ണൻ , ജഗദമ്മ എന്നിവരെയും ആദരിച്ചു. കലാപരിപാടികളുമുണ്ടായി. Published: 14 May 2026, 12:09 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.